Рөстәм Миңнеханов Фороста яңартылган «Казан» клубы һәм скверы ачылышында катнашты

Бүген Татарстан Республикасы Рәисе Рөстәм Миңнеханов Кырым Республикасының Форос бистәсендәге яңартылган клубында булды.

Кырым Республикасы Башлыгы Сергей Аксенов белән берлектә Рөстәм Миңнеханов клубны капиталь ремонтлау һәм янәшәдә урнашкан скверны төзекләндерү эшләренең сыйфатын бәяләде.

Башкарылган эшләр Татарстан Республикасы ярдәме белән башкарылды.

Искәртик, сквер «Сәләт - Ак Барс» яшьләр үзәге янында урнашкан, анда Татарстан Республикасыннан балалар ял итә (җәйге чорда «Сәләт - Ак Барс» та Россия төбәкләреннән 670 бала ял иткән, «Сәләт – Аршан» сменасында - 171 бала, шул исәптән 101 – Татарстаннан).

Клуб бинасы реставрацияләнгән һәм заманча җиһазлар һәм техника белән җиһазландырылган. Биредә секцияләр һәм түгәрәкләр эшләячәк, мәдәни-массакүләм һәм мәгълүмати-агарту чаралары, мастер-класслар, кино күрсәтүләр үткәреләчәк. Моннан тыш, клубта ветераннар хоры һәм робототехника түгәрәге булачак.

Скверда заманча спорт мәйданчыклары, тирбәлешләр, ял итү зоналары урнаштырылган, күзәтү мәйданчыгы барлыкка килгән. Территория аз хәрәкәтләнүче гражданнар өчен тулысынча җиһазландырылган. Клуб һәм скверга якын диңгез яры зонасы төзекләндерелгән: монда чатырлар һәм шезлонглар урнаштырылган. Төзәтү барышында реликт агачлар сакланган, проектта өстәмә яшелләндерү дә каралган.

Исегезгә төшерәбез, 2021 елның августында Татарстан Республикасы Рәисенә ремонт эшләрен үткәрү инициативасы белән Ялта шәһәре администрациясе башлыгы Янина Павленко мөрәҗәгать итте. 

Ике елдан соң проектны гамәлгә ашыру тәмамлана. Яңартылган скверга «Казан» исеме бирергә карар ителә.

Рөстәм Миңнеханов Форос бистәсендә яшәүчеләрне заманча клуб ачылу килүе белән котлады.

"Котлыйм, биредә яхшы комплекс һәм бик матур сквер барлыкка килде, - диде Рөстәм Миңнеханов. - Барысы да бик яхшы оештырылган. Бу җир безгә якын, монда татарстанлылар күп ял итә. Хәерле юл! Форос матурлансын".

Кырым Республикасы Башлыгы Сергей Аксенов Рөстәм Миңнехановка, клубны һәм скверны яңарту эшендә катнашучыларга рәхмәт белдерде. "Бүген без Рөстәм Нургали улы Миңнеханов белән капиталь ремонттан соң ачылган Форос поселогы клубын карадык. Ремонт эшләре һәм территорияне төзекләндерү спонсорлык акчалары хисабына башкарылган, ә федераль субсидия ярдәмендә кирәкле җиһазлар сатып алынган, - диде Сергей Аксенов. - Рөстәм Нургали улына һәм аның командасына, Татарстан Республикасына зур эшләре өчен рәхмәт белдерәм. Безнең төбәкләр арасында туганлык мөнәсәбәтләре Кырым язының беренче көннәреннән үк бара һәм уртак эшләрдә күренә".

Ялта шәһәре администрациясе башлыгы Янина Павленко билгеләп үткәнчә, бу проект авыл халкы һәм монда ял итүче барлык кунаклар өчен күптән көтелгән вакыйга. Ул Кырым Республикасы Башлыгы Сергей Аксеновка һәм Татарстан Раисы Рөстәм Миңнехановка ярдәмнәре һәм кабул ителгән карарлары өчен рәхмәт белдерде – Кырым белән Татарстан арасында дуслык бәйләнешләрен ныгыту кысаларында Казан белән Ялтаның тугандаш шәһәрләр булулары турында килешү имзаланды.

"Без яңа скверыбызны "Казан" скверы дип атадык, ә Казанда "Форос" скверы ачылуын көтәбез", - диде Янина Павленко.