Сенегал Президенты Маки Салл Казанда Б. Рәмиев исемендәге ИТ-паркның мөмкинлекләрен бәяләде.

Бүген Казанга сәфәре кысаларында  Сенегал Президенты Маки Салл югары технологияләр өлкәсендәге Бәшир Рәмиев ис.технопаркта булды.

Рөстәм Миңнеханов белән бергә кунак ИТ-паркның яңа бинасы белән танышты, аның җәмәгать киңлекләрен һәм конференц-залларын, шулай ук киберспорт аренасын һәм балалар ИТ-паркын бәяләде.

Яңа ИТ-паркның барлыкка килү тарихы һәм Бәшир Рәмиевнең кем булуы турында ТР Цифрлы үсеш министрлыгы башлыгы Айрат Хәйруллин сөйләде. Ул ассызыклаганча, Бәшир Рәмиев ис.  ИТ-парк төзелеше барышында  (элекке «Спартак» аяк киемнәре фабрикасының җитештерү цехлары урынында) бинаның барлык мөмкинлекләре һәм үзенчәлекләре исәпкә алынган. Шулай ук башта мультиплатформалы хәл ителешләр кулланыла - киберспорт аренасы һәм эшлекле чаралар зонасы, стартап-хаб, коворкинглар һәм башка күп нәрсәләр булдырыла.

Сенегал Президентына шулай ук Казанда фиджитал уеннары (Киләчәк уеннары-2024) буенча ярышлар уздыру турында сөйләделәр һәм Сенегалны киләсе елда анда катнашырга чакырдылар.

ИТ-паркта шулай ук Татарстан Республикасының икътисадый һәм инвестицион потенциалы тәкъдир ителде, аны Татарстан Республикасының Инвестицион үсеш агентлыгы вәкилләре үткәрде.