Рөстәм Миңнеханов Әлки районында бөртеклеләрне җыеп алу барышы белән танышты һәм авыл хуҗалыгы җитештерүчеләре белән аралашты

Бүген Татарстан Республикасы Рәисе Рөстәм Миңнеханов Әлки муниципаль районында эш сәфәрендә булды. Исегезгә төшерәбез, Рөстәм Миңнеханов бүген игеннәрнең уңышна бәйле эшләрнең ничек баруын белү һәм урып-җыю кампаниясе барышы белән танышу өчен берничә муниципаль районда булды.

Рөстәм Миңнехановны эш сәфәрендә Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык-төлек министры Марат Җәббаров, башка рәсми затлар озата йөрде.

Әлки районында «Хузангай» ҖЧҖнең куертылган сөт җитештерү цехында булды. Предприятие быелның апрелендә ачылган. Эшкә керешкәннә бирле өч ай эчендә 123 тонна куертылган сөт җитештерелгән.

Аннары Рөстәм Миңнеханов механизаторлар, хуҗалык җитәкчеләре, инвесторлар һәм Әлки районы җирлекләре башлыклары белән очрашты.

Әлки районы башлыгы Александр Никошин хәбәр иткәнчә, 6,5 мең гектар суктырылган, уртача уңыш - гектарыннан 30 центнер. Ул районда хәрби оешмаларда катнашучыларның гаиләләренә ярдәм күрсәтү турында аерым сөйләде. Аерым алганда, мәктәпләрдә балаларны кайнар ризык белән тәэмин итү, балалар бакчаларында урыннар бирү һәм башка ярдәм чаралары турында хәбәр итте.

Татарстан Республикасы Премьер-министры урынбасары – Татарстан Республикасы авыл хуҗалыгы һәм азык-төлек министры Марат Җәббаров Әлки районында крестьян-фермер хуҗалыкларында (КФХ) терлекләрнең баш саны аз гына кимегән , әмма тулаем алганда бу күрсәткечләр буенча уңай динамика билгеләнгән.

Рөстәм Миңнеханов махсус хәрби операция сугышчыларының гаиләләренә һәм алгы сызыктан өйгә кайткан сугышчыларга ярдәм иткәннәре өчен аерым рәхмәт сүзләрен җиткерде.

Татарстан Рәисе шулай ук, катлаулылыкларга карамастан, республиканы һәм муниципалитетларны алга таба үстерүгә юнәлдерелгән барлык республика программалары үтәләчәк, дип ышандырды.

"Республикада булган барлык программалар да тормышка ашырылачак, - дип ассызыклады Рөстәм Миңнеханов механизаторлар һәм авыл җирлекләре башлыклары белән очрашу барышында. - Хезмәтегез өчен рәхмәт. Ил сезгә, авыл хезмәтчәннәренә таяна.