Рөстәм Миңнеханов Төркиягә эш сәфәренә килде

Татарстан Рәисе Рөстәм Миңнеханов  Конья шәһәренә (Төркия) эш сәфәренә килде. Аэропортта аны Конья провинциясе губернаторы Вахедеттин Үзкан каршы ала.

Визиты кысаларында Рөстәм Миңнеханов Конья провинциясе губернаторы, Конья шәһәре мэры һәм Конья Сәнәгать палатасы рәисе белән очрашулар үткәрәчәк.

Шулай ук Татарстан Рәисе «Имаш» (авыл хуҗалыгы җайланмалары) һәм «Төмөсән» (трактор техникасы) заводларына барачак.

Конья - Төркиянең иң зур провинциясе, шулай ук авыл хуҗалыгы һәм авыл хуҗалыгы машиналары төзү өлкәсендә алдынгы урында. Төбәктә сәнәгать, аерым алганда, автокомпонентлар һәм мебель җитештерү, станоклар төзү үсеш алган. Провинция территориясендә 13 эре оештырылган сәнәгать зонасы (ОСЗ), 95 сәнәгать паркы урнашкан, аларда 8,6 мең компания урнашкан.