Роман Шәйхетдинов Иннополис турында РАНХиГС программасы тыңлаучыларына сөйләде ⠀

Бүген Иннополиска танышу визиты белән РФ Президенты каршындагы Россия халык хуҗалыгы һәм дәүләт хезмәте академиясенең «Дәүләт идарәсе мастеры – җитәкчеләр өчен» укыту программасы тыңлаучылары килде. Алар арасында Әрмәнстан, Казахстан, Әзәрбәйҗан, Үзбәкстан, Кыргызстан һәм БДБ илләреннән дәүләт органнары һәм коммерциячел компанияләр җитәкчеләре бар.
⠀
Кунаклар Иннополис университетында һәм А.С. Попов исемендәге технопаркта булдылар. Шулай ук алар Татарстан Республикасы Премьер-министры урынбасары Роман Шәйхетдиновның Иннополис үсеше перспективалары турындагы лекциясен тыңладылар.
⠀
"Илгә яңа үзгәрешләр һәм технологик бәйсезлек тәэмин итү өчен технологияләрне үстерергә кирәк. Ләкин кеше аналоглы зат, һәм яңа фикерләр һәм технологияләр читтән торып эшләнә алмый, онлайн ачышлар ясалмый һәм катлаулы карарлар кабул ителми. Шулай итеп, билгеле бер социомәдәни, интеллектуаль һәм икътисадый рәвеш кешеләрен берләштерүче Иннополис барлыкка килде, алар бергәләп кызыклы идеяләр тудыра һәм уникаль продуктлар эшли", – дип сөйләде Роман Шәйхетдинов.
⠀
Татарстан Премьер-министры урынбасары билгеләп үткәнчә, хәзерге вакытта Иннополиста яңа инфраструктура объектлары төзелә: роботлаштырылган кунакханә комплексы, яңа торак, 4000 эш урынына исәпләнгән ике яңа технопарк, «Росэнергоатом»ның дата-үзәге һәм Иннополис Университеты студентлары өчен кампус. Моннан тыш, Иннополис җитештерү компонентын үстерүгә юнәлеш алды: узган ел азагыннан «Иннополис» МИЗда «ИнноПарк» югары технологияләр паркы эшли башлады, ә тиздән биредә ана платалары ясау заводы барлыкка киләчәк.
⠀
Чыгышы ахырында спикер тыңлаучыларның Иннополиста белем алу һәм яшәү, шулай ук «Иннополис» МИЗ резидент компанияләре проектлары турында күп санлы сорауларына җавап бирде.