Рөстәм Миңнеханов М-11 трассасында КАМАЗларның пилотсыз хәрәкәтен башлап җибәрүдә катнашты

Бүген Татарстан Республикасы Рәисе Рөстәм Миңнеханов М-11 Санкт-Петербург - Мәскәү трассасында КАМАЗ йөк машиналарының пилотсыз хәрәкәтен башлап җибәрүдә катнашты.

Чара М-11 трассасы участогында эксперименталь хокукый режим (ЭХР) кысаларында узды.

Исегезгә төшерәбез, "Пилотсыз логистик коридорлар" инициативасы Россия Транспорт министрлыгы һәм бизнес тарафыннан 2021 елның язында тәкъдим ителгән иде һәм 2030 елга кадәр РФ Социаль-икътисадый үсеше һәм 2030 елга кадәр РФ транспорт тармагын цифрлы трансформацияләү өлкәсендә стратегик юнәлеш инициативалары исемлегенә кертелгән иде.

М 11гә карата башка трассаларга хәл ителешләр 2024 елдан башланыр дип көтелә.

Проектның ноу-хау шунда ки, комплекста беренче тапкыр пилотсыз автомобиль һәм акыллы юл сервисы технологияләре (чыбыксыз элемтә, цифрлы карта, навигация, авария һәм юл хезмәте) сынала.

Чарада РФ Хөкүмәте Рәисенең беренче урынбасары Андрей Белоусов, РФ Транспорт министры ВиталийСавельев, КАМАЗ ААҖ генераль директоры Сергей Когогин һәм башкалар катнашты.

Андрей Белоусов билгеләп үткәнчә, бүген мөһим һәм әһәмиятле көн, аңа ике ел буена киленде. Ул ассызыклаганча: пилотсыз автомобиль булдыру, әлегә 4 дәрәҗә генә һәм кабинада инженер булса да, санкцияләр шартларында бу - бик зур хезмәт.

Бүген бу урыннан өч пилотсыз КАМАЗ юлга чыкты, июль аенда аларга тагын өч КАМАЗ өстәләчәк. Бишенче буын КАМАЗ-54901 линейкасының магистраль тарту базасындагы машиналар автоматлаштырылган йөртү системасы белән җиһазландырылган. Сынау йөртүче транспорт чарасы эчендә була һәм автоматлаштырылган идарә режимында контроль алып бара. Диспетчер транспорт чарасыннан читтә тора, маршрутлаштыруны һәм автомобиль хәрәкәтен контрольдә тотуны гамәлгә ашыра.