Татарстан Республикасы Премьер-министры Алексей Песошин: Социаль яклау тармагы эшчәнлеге бик әһәмиятле һәм җәмгыять тарафыннан даими таләп ителә

Бүген Татарстан Республикасы Премьер-министры Алексей Песошин Казанда халыкка социаль хезмәт күрсәтү комплекслы үзәгенең көндезге бүлегендә булды. Бу бүлектә булу социаль хезмәткәр көненә багышланды.

Казанда халыкка социаль хезмәт күрсәтү комплекслы үзәге К. Тинчурин урамы 3б адресы буенча урнашкан. Бинада капиталь ремонт үткәрелгән, реабилитация җайланмалары сатып алынган, төзекләндерелгән һәм койма белән уратып алынган территория бар. Хезмәт күрсәтүгә мохтаҗларның төп авырулары - авыр акыл зәгыйфьлеге, тирән акыл зәгыйфьлеге, шизофрения.

Алексей Песошинны ТР хезмәт, халыкны эш белән тәэмин итү һәм социаль яклау министры Эльмира Зарипова, шулай ук үзәк җитәкчелеге вәкилләре озата йөрде.

Татарстан Республикасы Премьер-министрына өлкәннәрне һәм инвалидларны озак вакытлы карау системасын булдыру буенча сынау проектын гамәлгә ашыруда катнашучы социаль хезмәт күрсәтү учреждениеләре эшен, аутизм спектрындагы бозылулары һәм башка психик тайпылышлары булган кешеләрне комплекслы озата бару концепциясен тәкъдир иттеләр.

Аннары Алексей Песошин халыкка социаль хезмәт күрсәтү комплекслы үзәге бинасын карады, учреждениенең социаль-реабилитация эше ничек оештырылуы белән танышты. Мәсәлән, бинаның беренче катында техник реабилитация чараларын прокатлау пункты, авыруларны карау һәм реабилитация мәктәбе, социаль-көнкүреш адаптация бүлмәсе (тормыш бүлмәсе моделе), психологик авырлыклардан арыну бүлмәсе, тренажер залы һ. б. урнашкан.

Учреждениенең икенче катында төркем дәресләре кабинеты иҗади остаханә, уку-күнекмә кабинеты кибет, компьютер классы эшли.

Үзәкнең актлар залында Алексей Песошин социаль хезмәткәрләрнең активын сәламләде һәм дәүләт бүләкләрен тапшырды. Ул барысын да һөнәри бәйрәмнәре – Социаль хезмәткәр көне белән котлады.
"Безнең республикада социаль тармакта 9,6 мең хезмәткәр эшли Ел саен 1 миллионнан артык татарстанлы кирәкле социаль ярдәм ала", - диде Татарстан Премьер-министры.

Тулаем республика буенча тармакның 112 дәүләт учреждениесе хезмәт күрсәтә.
"Социаль өлкәне үстерү – безнең өстенлекләрнең берсе, - дип ассызыклады Алексей Песошин. - Бүген аның цифрлы һәм функциональ трансформациясе буенча актив эш алып барыла. Социаль ярдәм алучыларның гомуми саныннан 1 миллионнан артык кеше социаль ярдәм чараларын электрон рәвештә рәсмиләштерә".

Ул шулай ук 2015 елдан 2023 елга кадәр 120 учреждениене капиталь ремонтлауга 1 млрд. сумнан артык акча бүлеп бирелүен искәртте. Дәүләтнеке булмаган оешмаларны дәүләт йөкләмәләре кысаларында социаль өлкәгә кертү буенча зур эш алып барыла.

Татарстанда социаль хезмәтләр күрсәтүчеләр реестрына 27 дәүләтнеке булмаган оешма кертелгән инде, 8 ел эчендә аларның саны 9 тапкырга арткан, ел саен 12 меңнән артык кеше дәүләтнеке булмаган сектор хезмәтләре ала.
Татарстан Республикасы Премьер-министры шулай ук хәбәр иткәнчә, 2023 елда Татарстан Республикасы бюджетыннан дәүләтнеке булмаган оешмаларны финанслау буенча 460,0 млн. сумнан артык акча җибәрергә планлаштырыла.
Татарстан, гаиләләрнең керемнәре, аларның мөлкәт белән тәэмин ителеше, финанс тупланмалары һәм хезмәт потенциалы исәпкә алынган гаиләләрнең мохтаҗлыгын бәяләүдән чыгып, Россиянең беренче төбәкләренең берсе булып адреслылыкны кертүгә күчте.
Бүген инде алучыларның 80%тан артыгы - нәкъ менә адреслы алучылар.
"Татарстан социаль хезмәте һәрвакыт хезмәткәрләрнең профессиональлеге һәм компетентлыгы, социаль ярдәм күрсәтүдә технологияләрнең адреслылыгы һәм нәтиҗәлелеге, югары сыйфатлы һәм нәтиҗәле эшчәнлек, хезмәтне булдыру башлангычында торган тармак ветераннары нигез салган традицияләр белән аерылып торды, - диде Алексей Песошин. - Социаль яклау тармагы эшчәнлеге бик әһәмиятле һәм җәмгыять тарафыннан даими таләп ителә. Социаль хезмәткәр - кешеләргә хезмәт күрсәтүче каталулы, фидакарь хезмәт башкаручы. Мондый йөкләнешләргә түзәр өчен, югары квалификация һәм профессионализмнан тыш, шактый эчке энергия, мәрхәмәтлек һәм кешеләрне ярату кирәк.

Алексей Песошин сүзләренчә, бүген социаль хезмәткәрләрнең хезмәтенә кешеләрнең социаль гаделлеккә ышанычы һәм дәүләтнең үз гражданнарын яклау сәләте бәйле.
Ул социаль хезмәткәр һөнәрен сайлаган һәркемгә уңышлар, оптимизм һәм нәтиҗәле эш теләде.

Ахырда дәүләт һәм ведомство бүләкләрен тапшыру тантанасы булды. Социаль хезмәткәрләргә «Татарстан Республикасының Атказанган халыкны социаль яклау хезмәткәре» дигән мактаулы исем бирелде, шулай ук Татарстан Республикасы Рәисенең Рәхмәт хатлары тапшырылды.