Рөстәм Миңнеханов 2022/2023 елгы җылылык бирү чоры йомгаклары буенча Татарстан Республикасы Министрлар Кабинеты утырышында катнашты

Бүген Татарстан Республикасы Рәисе Рөстәм Миңнеханов Татарстан Республикасы Министрлар Кабинеты утырышында катнашты, анда 2022/2023 елгы җылылык бирү чорына йомгак ясалды.

Утырышны Татарстан Республикасы Премьер-министры Алексей Песошин үткәрде. Муниципаль берәмлекләр башлыклары, башкарма комитетлар җитәкчеләре, торак-коммуналь комплекс предприятиеләре, оешмалары вәкилләре видеоконференцэлемтә режимында киңәшмәләр залына тоташтырылды.

Ягулык-энергетика һәм торак-коммуналь комплекслар оешмаларының эш нәтиҗәләре турында сөйләгәндә, Рөстәм Миңнеханов ассызыклаганча, тулаем алганда, җылылык бирү чоры яхшы үтте. Ул билгеләп үткәнчә, республикада челтәрләрнең тузганлыгы югары, бу күрсәтелгән хезмәтләрнең сыйфатына тәэсир итә.

"Гомумән, җылылык бирү чорында яхшы эшләдек, хәл ителмәслек аварияләр булмады, - диде ул. – Иң зәгыйфь урын - инфраструктураның тузганлыгы. Коммуналь инфраструктураны модернизацияләүнең республика, федераль программалары бар - һәм аларны бүген гамәлгә ашырырга кирәк».

Рөстәм Миңнеханов шулай ук энергетика компанияләренең инвестицион программаларын гамәлгә ашыруга зур игътибар бирергә чакырды. Инвестицион программаларсыз үсеш булмаячак, дип саный Татарстан Рәисе, шул ук вакытта ул монда үтәлешне контрольдә тоту аеруча мөһим, дип билгеләп үтте.

Моннан тыш, Рөстәм Миңнеханов каты финанс дисциплинасы кирәклеген белдерде. "Бөтен системаның ышанычлы эшләве өчен финанс дисциплинасы кирәк", -  диде ул.

Рөстәм Миңнеханов шулай ук югары авариялелек һәм челтәрләрнең тузганлыгы булган муниципаль районнарда җылылык бирү сезонына әзерлекне контрольгә алырга кушты. "Без бу проблеманы тиз генә хәл итә алмыйбыз, әмма, һичшиксез, хәл итәргә тырышырга кирәк», - диде ул. Бу, шул исәптән Әгерҗе, Азнакай. Муниципаль берәмлекләр башлыкларына һәм предприятие җитәкчеләренә аварияләрне булдырмау өчен чаралар күрергә, торак-коммуналь хуҗалык объектларында авария хәлләре килеп чыкканда ТР Төзелеш министрлыгы белән оператив мәгълүмати хезмәттәшлекне тәэмин итәргә кирәк.

Моннан тыш, Рөстәм Миңнеханов Питрәч муниципаль районында энергия структурасы объектларын комплекслы тикшерүне йөкләде. Әгәр район өч ел бер урында таптана икән, димәк, аңларга кирәк, диде ул, без анда кешеләргә торак төзедек, без бу объектлар өчен, су, газ буенча җавап бирергә тиешбез.

Рөстәм Миңнеханов ассызыклаганча: төп бурыч – сыйфатлы һәм вакытында булачак кышка әзерлек. Көзге-кышкы чорга әзерләнүгә һәм өзлексез коммуналь хезмәтләр күрсәтүне тәэмин итүгә юнәлдерелгән барлык чаралар тулы күләмдә башкарылырга тиеш. "Бу конкрет әйберләр", - диде ул. - Бөтен әзерлек процедурасын үтәргә кирәк".

Татарстан Рәисе билгеләп үткәнчә, тулаем алганда, система ышанычлы эшли. Республикада булачак җылылык бирү сезоны тотрыклы узсын өчен бар көчебезене кую мөһим.

ТР Министрлар Кабинеты утырышында нотыклар белән ТР төзелеш, архитектура һәм торак-коммуналь хуҗалык министры Марат Айзатуллин, Экологик, технологик һәм атом күзәтчелеге буенча федераль хезмәтнең Идел буе идарәсе җитәкчесе Азат Мөбарәкшин, «Татэнерго» АҖ генераль директоры Рәүзил Хаҗиев, «Сетевая компания» АҖ генераль директоры Илшат Фәрдиев чыгыш ясады. Питрәч муниципаль районы башлыгы Илһам Кашапов җылылык бирү чоры нәтиҗәләре һәм чираттагы җылылык бирү чорына әзерлек планнары турында сөйләде.