Рөстәм Миңнеханов Мостай Кәрим повесте буенча «Ярлыкау» фильмының премьерасында булды

Бүген Татарстан Республикасы Рәисе Рөстәм Миңнеханов Казанда «Ярлыкау» кинофильмының премьерасында булды. Картинаны Мостай Кәримнең шул ук исемдәге повесте мотивлары буенча төшергәннәр. Фильмны күрсәтүдә шулай ук башкорт шагыйре һәм язучысының оныгы Тимербулат Кәримов гаиләсе белән катнашты.

Сюжет үзәгендә яшь сержант-танкист Любомир Зух һәм испан коммунистларының кызы Мария-Терезаның мәхәббәт тарихы. Картинаның вакыйгалары Бөек Ватан сугышы елларында бара. Фильм автор-фронтовик шаһит булган реаль вакыйгаларга нигезләнгән.

Фильмны караганнан соң Рөстәм Миңнеханов фильмны төшерүчеләр һәм актерлар белән аралашты, нәфис фильмга югары бәя бирде. "Бик гыйбрәтле тарих", - дип ассызыклады ул.

Мостай Кәрим - башкорт әдәбияты классигы һәм дөнья мәдәни фондын баеткан күренекле әсәрләр авторы. Аның 100дән артык шигъри һәм проза җыентыгы, 10нан артык драма әсәрләре басылган. Мостай Кәрим берничә әдәби бүләкләр һәм премияләр лауреаты, Бөек Ватан сугышында катнашкан.