Рөстәм Миңнеханов Белоруссия илкүләм биотехнология корпорациясендә булды

Минскка визиты кысаларында Татарстан Республикасы Рәисе Рөстәм Миңнеханов «Белорус илкүләм биотехнология корпорациясе» ЯАҖдә булды.

Предприятие ашлыкны тирән эшкәртү белән шөгыльләнә. Проект Беларусь Республикасында гына түгел, ә бөтен элеккеге СССР территориясендә иң зур һәм уникаль агросәнәгать комплексы булып тора.

Холдинг җитәкчелеге төп объектларны күрсәтте, алар арасында 448 мең тонна ашлык кабул итү, чистарту, киптерү һәм саклау комплексы; биотехнологик комплекс; барлык төр хайваннар өчен югары технологияле катнаш азык һәм премикслар җитештерү заводлары.