Татарстан Рәисе DoorHan компанияләр төркеме җитәкчелеге белән очрашты

Бүген Татарстан Республикасы Рәисе Рөстәм Миңнеханов DoorHan компанияләр төркеме генераль директоры Александр Ханин белән очрашты. Очрашу ТР Хөкүмәте Йортында узды.

DoorHan - тирән интеграцияле җитештерү предприятиеләренең сәнәгать төркеме, аларның гомуми максаты - сәнәгать төзелеше, шәхси йорт төзелеше объектлары, шулай ук махсус билгеләнештәге объектлар, шәһәр инфраструктурасы һәм авыл хуҗалыгы өчен тулы комплектлы хәл ителешләрне комплекслы җиткерү.

Хәзерге вакытта Татарстанда 2 DoorHan бүлекчәсе эшли. Беренче капка һәм роллет системалары, капка өчен йөкләү җайланмалары һәм автоматика җитештерү заводы Лаеш районының Песчаные Ковали авылында 2012 елда ачылган. 2021 елда Столбище авылында блок-контейнерлардан, ангар капкаларыннан һәм төзелеш сэндвич-панельләреннән модульле биналар җитештерү буенча икенче завод файдалануга тапшырылган.

Очрашуда DoorHan компанияләр төркеменең Татарстандагы агымдагы проектларын гамәлгә ашыру һәм хезмәттәшлекне алга таба үстерү перспективалары турында фикер алыштылар.