Татарстан Рәисе «Август» АҖ генераль директоры Александр Усков белән очрашты

Бүген Татарстан Республикасы Рәисе Рөстәм Миңнеханов «Август» акционерлык җәмгыяте генераль директоры Александр Усков белән очрашты. Очрашу Татарстан Республикасы Авыл хуҗалыгы һәм азык-төлек министрлыгының «Казан Экспо»дагы йомгаклау коллегиясе кысаларында узды.

Очрашуда Татарстанда «Август» компанияләр төркеменең агымдагы проектлары турында фикер алыштылар, алар арасында «Август-Алабуга» заводы, төзелеп килүче «Зөя-ашлык продукты» элеватор комплексы һәм сөт комплекслары.

«Август» АҖ - үсемлекләрне саклауның химик чаралары җитештерү буенча Россиянең иң эре компаниясе. 1990 елда нигезләнгән. Компания шулай ук игенчелек һәм терлекчелек өлкәсендә үз проектларын үстерә.