Рөстәм Миңнеханов Discover Events идарәсе рәисе Юнус Әте белән очрашты

Бүген Татарстан Республикасы Президенты Рөстәм Миңнехановның Discover  Events идарәсе рәисе, Төркиянең Халыкара күргәзмәләрен оештыручылар ассоциациясе Президенты Юныс Әте белән очрашуында алга таба хезмәттәшлек турында сүз барды.

Очрашу Казан Кремлендә узды.

Discover Events халыкара күргәзмәләрдә Төркия компанияләренең катнашуын оештыру белән шөгыльләнә.

Рөстәм Миңнеханов билгеләп үткәнчә, Татарстан Discover Events белән уңышлы хезмәттәшлек итә. Бүген Татарстанда уртак халыкара күргәзмәләрне оештыру һәм уздыру мәсьәләләре тикшерелде. Без үзара файдалы хезмәттәшлеккә ачык һәм аның уңышлы үсешенә өметләнәбез, диде Рөстәм Миңнеханов.

Исегезгә төшерәбез, Discover  Events идарәсе рәисе, Төркиянең Халыкара күргәзмәләрен оештыручылар ассоциациясе Президенты Юнус Әте Казанда эш сәфәрендә (2023 елның 6-7 феврале).