Рөстәм Миңнеханов Татьяна көнендә КФУ студентлары белән очрашты

Бүген, Россия студентлар көнендә, Татарстан Президенты Рөстәм Миңнеханов Казан федераль университетында булды. Ул Цифрлы трансформацияләр үзәген карады һәм студентлар белән аралашты.

Университет ректоры Ленар Сафин озатуында Татарстан Президенты медицина, биотехнологияләр, лексикология һәм пилотсыз битештерү өлкәсендәге студентларның фәнни проектлары белән танышты, югары уку йорты диварларында гамәлгә ашырыла торган стартап-проектларны бәяләде, шулай ук волонтерлык хәрәкәтләре һәм студентлар отрядлары вәкилләре белән аралашты.

Аннары Рөстәм Миңнеханов Цифрлы трансформацияләр үзәгендә булды. Монда микроэлектроника һәм робототехника өлкәсендәге проектлар тормышка ашырыла, «болытлы» хәл ителешләр эшләнә, цифрлы трансформация өлкәсендә белем бирү программалары тормышка ашырыла. Аерым алганда, Рөстәм Миңнехановка «Беларус-152» базасындагы пилотсыз тракторны - КФУ һәм МТЗның уртак проектын тәкъдир иттеләр.

Шулай ук ТР Президенты чит ил укучылары өчен ачык татар теле дәресендә булды.

Казан федераль университеты студентлары белән очрашуны ачып, Рөстәм Миңнеханов яшьләрне традицион Студентлар бәйрәме - Татьяна көне белән котлады. «Биредә иң актив, уңышлы һәм талантлы балалар җыелды. Яшь булуыгызга карамастан, сез төрле өлкәләрдә зур уңышларга ирештегез. Бу сезгә өстәмә конкурент өстенлекләр бирә», - диде ТР Президенты.

Ул, КФУның илебезнең әйдәп баручы университетларының берсе булуын, билгеләп үтте. «Сез тәҗрибәле укытучылар коллективына, бай тарихлы югары уку йортына эләктегез. Биредә кадрлар әзерлеге бик югары. Студент еллары - иң бәхетле вакыт. Сезнең алда барлык ишекләр дә ачык, сезнең алда бик күп мөмкинлекләр бар. Илебезнең киләчәге сезгә, бүгенге студентларга бәйле. Яңа проблемаларны яшьләр генә җиңеп чыга ала. Без сезгә таянабыз», - дип ассызыклады Рөстәм Миңнеханов.

Аннан соң яшь егетләр һәм кызлар ТР Президентына берничә сорау бирделәр. Студентларның берсе республикада ИТ-тармакка ярдәм итү һәм белгечләрне саклау өчен нинди чаралар күрелүе белән кызыксынды. Рөстәм Миңнеханов билгеләп үткәнчә, Татарстанда традицион рәвештә ИТ-тармакка өстенлек бирелә. Стартапларны үстерү өчен акселерация мәйданчыклары эшли, ИТ-парклар һәм Иннополис актив эшли. Үз тармакларындагы иң зур компанияләр иң яхшы чыгарылыш укучыларын туплыйлар, шул исәптән IT профессионалларына да мохтаҗ. «Әлбәттә, айтишниклар теләсә кайда яши һәм эшли ала, әмма безнең бурыч - сезне, уңайлы шартлар тудырып, Татарстанда алып калу. Университет кысаларында яшь белгечләргә барлык башлангычларында да актив ярдәм күрсәтергә кирәк», - дип мөрәҗәгать итте республика Президенты КФУ җитәкчелегенә.

Шулай ук әңгәмә барышында чит ил югары уку йортларында белем алырга теләүче студентларның көнбатыш илләргә чыгу мөмкинлеге булмавы билгеләп үтелде. Яшьләр «Алгарыш» программасы кысаларында дустанә илләрдә урнашкан университетларга игътибап итәргә тәкъдим иттеләр. Рөстәм Миңнеханов сүзләренчә, бу юнәлештә эш бара инде. 2022 елда «Алгарыш» программасы буенча 307 грант бирелгән, аларның өчтән бере ИХО илләрендә стажировка һәм белем алу өчен: Төркия Республикасы, Берләшкән Гарәп Әмирлекләре һәм башкалар. Шул ук вакытта хәзерге шартларда илебезнең югары белем бирү системасын актив үстерергә һәм аның конкурентлыкка сәләтлелеген арттырырга кирәк, дип саный ТР Президенты.

ЛНРдан беренче курс студенты Рөстәм Миңнехановка Казан федераль университетында уку мөмкинлеге өчен рәхмәт белдерде. Ул шулай ук Президенттан Россиянең яңа төбәгеннән килгән студентларның Татарстанга практикага килүләренә ярдәм итүләрен сорады. «Без Луганск Халык Республикасы, бигрәк тә безнең шефлыкка алынган шәһәр - Лисичанск белән актив хезмәттәшлек итәбез. Һәрьяклап ярдәм күрсәтәбез: гуманитар ярдәм өлешендә, инфраструктураны торгызуда ярдәм итәбез, төрле белгечләр, шул исәптән табиблар җибәрәбез. Без шулай ук фәнни-мәгариф өлкәсендә хезмәттәшлек итәчәкбез. Сезнең тәкъдимне, һичшиксез, карап чыгарбыз», - диде Рөстәм Миңнеханов.

Волонтерлык темасына аерым тукталдылар. ТР Президенты ассызыклаганча, республикада ихтыярыйлар хәрәкәте актив үсә. Барлыгы 130 меңнән артык волонтер исәпләнә. «Бездә бер генә зур чара да волонтерлар катнашыннан башка узмый. Бүген ул - яхшы корылган, махсуслаштырылган, яхшы әзерләнгән хәрәкәт. Безнең волонтерларга рәхмәт әйтергә һәм аларга уңышлар теләп калам», - дип өстәде ул.

Соңыннан Рөстәм Миңнеханов яшьләр өчен остазлык системасының мөһимлеген билгеләп үтте, шулай ук Татарстанның төп беренче Президенты Минтимер Шәрип улы Шәймиевне үзенең беренче  укытучысы дип атады.