Рөстәм Миңнеханов «Танеко»да яңа җитештерү эшләтеп җибәрүдә катнашты

Бүген Түбән Кама районында «Танеко»да комплекслы сынау режимында хуш исле углеводородлар җитештерүе эшләтеп җибәрелде. Тантанада Татарстан Президенты Рөстәм Миңнеханов, «Татнефть» ГАҖ генераль директоры Наил Маһанов, Түбән Кама районы башлыгы Рамил Муллин катнашты.

Рөстәм Миңнеханов билгеләп үткәнчә, ароматика комплексы - мөһим нефть химиясе проекты, ул «Танеко»га базарда яңа урыннар алырга мөмкинлек бирәчәк. «Татнефть» һәм «Танеко»командасына, шулай ук барлык партнерларыбызга рәхмәт белдерәм. Монда эчке җиһаз кулланылган. Без югары сыйфатлы продукт алачакбыз», - диде ТР Президенты.

Наил Маһанов ассызыклаганча, хуш ис комплексы «Татнефть» компаниясе алдында зур нефть химиясенә киң капка ача. Ул Татарстан җитәкчелегенә проектларны гамәлгә ашыруда һәрьяклап ярдәм итүләре өчен рәхмәт белдерде.

Хуш ис комплексы 2018 елдан башлап файдалануга тапшырылган 8 технологик җайланмадан тора. Яңа җайланмалар бензол җитештерүне елына 60 мең тоннага кадәр арттырырга, шулай ук параксилол елына 150 мең тонна җитештерүне үзләштерергә мөмкинлек бирәчәк. Бу продуктларны нефть химиясе өчен чимал буларак «Татнефть»  төркеменең яңа җитештерүләрендә куллану планлаштырыла.

Шулай ук Рөстәм Миңнеханов «Танеко»да яңа объектларның - азот станциясе һәм катнаш гидрокрекинг-2 җайланмасы төзелешенең барышы белән танышты.