Рөстәм Миңнеханов Татарстан Инвесторлар клубы утырышында катнашты

Татарстан Республикасы Президенты Рөстәм Миңнеханов Инвесторлар клубы утырышында катнашты. Очрашу Kazan Palace by Tasigo Казан кунакханәсендә узды.

Ел нәтиҗәләренә кыскача йомгак ясап, Татарстан Республикасы Инвестицион үсеш агентлыгы җитәкчесе Талия Миңнуллина төп макроикътисадый күрсәткечләр буенча республиканың ышанычлы тотрыклылык һәм үсеш күрсәтүен билгеләп үтте. Бу шулай ук шәхси инвесторлар ярдәмендә мөмкин булды.

«Хәзерге катлаулы шартларда безнең инвесторлар предприятиеләрнең өзлексез эшләвен тәэмин итә алдылар, мобилизацияләнгән хезмәткәрләргә һәм аларның гаиләләренә ярдәм күрсәттеләр», - диде Инвестицион үсеш агентлыгы башлыгы.

Ул хәбәр иткәнчә, аерым компанияләр үз җитештерүләрен киңәйттеләр һәм яңа проектлар эшләделәр. Алар арасында Хайер, Кастамону,  Натуральное здоровье, Хаят Кимья һәм башкалар бар. «Гомуми нәтиҗә белән без төп капиталга инвестицияләрнең, шул исәптән бюджеттан тыш чыганаклардан да артуын күрәбез. Россиянең башка субъектларыннан шәхси инвестицияләр өч мәртәбә артты», - диде Талия Миңнуллина.

Алга таба берничә инвестор үз компанияләренең эш нәтиҗәләре белән уртаклашты һәм киләсе елга планнар билгеләде.

Рөстәм Миңнеханов очрашуда катнашучыларны сәламләде һәм республикага ышанычы өчен рәхмәт белдерде. Ул билгеләп үткәнчә, Татарстан инвесторларга ярдәм итү һәм инвестицияләр җәлеп итү буенча барлык инструментларны актив куллана. Аерым алганда, бу куәтле эшлекле инфраструктура – ТОСЭР, МИЗ, сәнәгать мәйданчыклары.

«Әлеге инфраструктура Татарстан территориясендә җитештерелә торган сәнәгать продукциясе күләменең 10 процентын бирә. Абсолют саннарда бу күп төбәкләрдә җитештерелә торган продукция дәрәҗәсе. Без боларның барысын да 20 елдан да азрак вакытта булдырдык», - диде ТР Президенты.

Ул билгеләп үткәнчә, республика урыннарда инвестицияләр җәлеп итүчәнлекне арттыру һәм эшлекле климатны яхшырту өлкәсендә актив эшли. «Бу эшнең төп нәтиҗәсе - сез, безнең безгә ышанган һәм монда үз проектларын гамәлгә ашыручы инвесторлар, безгә ышандылар һәм монда үз проектларын гамәлгә ашыралар», - дип ассызыклады ТР Президенты, республиканың киләчәктә дә барлык инвесторларга ярдәм итәчәгенә ышандырды.

Шулай ук утырыш кысаларында «Газпром СПГ технологии» ҖЧҖ һәм Татарстан Хөкүмәте арасында республика территориясендә криогенлы автоягулык станцияләрен төзү проектын гамәлгә ашыру өлкәсендә хезмәттәшлек турында килешүгә имза салынды.