Рөстәм Миңнеханов республиканың инвестицияләр җәлеп итүчәнлеген арттыру буенча Татарстан Хөкүмәте утырышында катнашты

Татарстан Президенты Рөстәм Миңнеханов республиканың инвестицияләр җәлеп итүчәнлеген арттыру мәсьәләсе буенча Татарстан Республикасы Министрлар Кабинеты утырышында катнашты. Утырышны Татарстан Республикасы Премьер-министрының беренче урынбасары Рөстәм Нигъмәтуллин үткәрде.

Рөстәм Нигъмәтуллин Татарстанның инвестклимат торышының илкүләм рейтингында дүртенче ел икенче урынны саклап калуын билгеләп үтте. Шул ук вакытта, технологияләрнең үзгәрүе һәм тормыш сыйфатының артуы эшкуарларның хезмәт күрсәтү тизлеге, уңайлылыгы һәм сыйфаты, финанс һәм финанс булмаган ярдәм чаралары турында яңа өметләр барлыкка килүгә китерә.

Беренче вице-премьер Татарстанда төбәк һәм муниципаль хезмәтләрнең барлык 319 төре дә республика һәм федераль хезмәт порталлары аша күрсәтелүен билгеләп үтте. Шуларның 60 проценты - эшкуарлар өчен хезмәт күрсәтүләр, эшкуарлар аларны электрон рәвештә алу мөмкинлеген актив кулланалар. Әлеге хезмәтләр буенча гаризаларның яртысы диярлек шул рәвештә бирелгән. «Мөрәҗәгать итү урынына карамастан, документлар исемлекләре һәм формалары, шулай ук сроклар бердәм булды. Бу бирү вакытын 2-12 тапкыр  тизләтергә мөмкинлек бирде», - диде Рөстәм Нигъмәтуллин.

Әйтик, җир кишәрлеген бирүне алдан килештерү срогы 30дан 10 көнгә кадәр кимегән, ә реклама конструкциясен урнаштыруга рөхсәт бирү хезмәте 12 эш көне эчендә күрсәтелә башлаган.

Моннан тыш, хәзерге вакытта Россия Федерациясе Хөкүмәте Рәисенең беренче урынбасары Андрей Белоусов һәм Россия Икътисадый үсеш министрлыгы җитәкчелегендә, сынау төбәге буларак, Татарстан Республикасында бизнес алып баруның тигез һәм уңайлы шартларын тәэмин итүгә юнәлдерелгән төбәк инвестиция стандарты кертелде.

Россия Икътисадый үсеш министры урынбасары Морат Керефов үз чиратында инвестицион үсешне стимуллаштыруның тагын бер хокукый чарасына - капитал салуларны яклау һәм бүләкләү турындагы килешүгә (СЗПК) тулырак тукталды. Ул әлеге механизмның нәтиҗәле эшләве өчен һәр төбәктә үз норматив-хокукый базасын кабул итәргә кирәклеген искәртте. Татарстан барлык кирәкле гамәлләрне беренчеләрдән булып үтәгән.

«Хәзер республика территориясендә әлеге механизмны гамәлгә ашыруга берни дә комачауламый. Моннан тыш,  36 килешү төзелгән инде, шуларның өчесе – Татарстанда гамәлгә ашырыла торган проектларга карата, инвестицияләр күләме якынча 67 млрд сум. Татарстан инвесторлары биргән тагын 7 проект карап тикшерүдә», - диде Морат Керефов. Ул әлеге механизмны Россиянең башка төбәкләрендә дә популярлаштыруның мөһимлеген билгеләп үтте.

ТР вице - премьеры - ТР икътисад министры Мидхәт Шаһиәхмәтов хәбәр иткәнчә, инвестклимат торышы илкүләм рейтингы нәтиҗәләрен анализлау нәтиҗәләре буенча шактый эш башкарылган, аның нәтиҗәсе -  республика үсешенең мөмкин булган нокталарын ачыклау. Мәсәлән, «Регулятор мохит» блогы бизнес өчен төрле дәүләт хезмәтләрен күрсәтүнең нәтиҗәлелеге күрсәткечләрен бәяли - төзелешкә, лицензияләргә, күчемсез милеккә хокукларны теркәүгә рөхсәт бирү, инженер челтәрләренә тоташу һ. б. Төбәк инвестстандарты тарафыннан хезмәт күрсәтү срокларын кыскарту, ведомствоара хезмәттәшлекнең нәтиҗәлелеген арттыру максатыннан алгоритмнар билгеләнгән. Инженер инфраструктурасы челтәрләренә тоташу срокларын кыскартырга мөмкинлек бирүче тагын бер төп фактор - ведомстволар эчендә параллель онлайн форматта килештерү процедуралары процессын оптималь срокларда оештыру. Әлеге практика Татарстанда киләсе елда гамәлгә ашырылачак.

Татарстанда бизнесны яклауны һәм эшкуарларга административ басым дәрәҗәсен тәэмин итүче институтларның нәтиҗәлелеген бәяләүче күрсәткечләр уңай динамика күрсәткәннәр. Шулай да, контроль (күзәтчелек) чараларны узу процедуралары әле аңлашылмый һәм бизнес өчен җитәрлек дәрәҗәдә «ачык» түгел. Эшкуарлыкның мәгълүматлылыгы дәрәҗәсен күтәрү өчен, быел «Тикшерелгән бизнес» интернет-ресурсы базасында кече һәм урта эшкуарлык субъектларының электрон формада документлар алмашуы буенча контроль органнары белән хезмәттәшлеген күздә тотучы бердәм тәрәзә булдыру эше алып барыла. Моннан тыш, тикшерүләр узуның ачыклыгын арттыру өчен тикшерү органнары белән дистанцион үзара бәйләнешнең яңа механизмнары кертелә.

Инфраструктура объектларын бәяләүне яхшырту өчен «Инфраструктура һәм ресурслар» блогында муниципаль сәнәгать парклары резидентларының Татарстанда дәүләт ярдәме чаралары комплексында катнашуын тәэмин итәргә кирәк. Респондентларның бәяләү үсеше өчен, финанс ярдәменең сыйфаты һәм мөмкинлеге цифрлы хезмәтләр аша чаралар алу процедураларын гадиләштерүне тәэмин итәргә кирәк.

«Кече эшкуарлыкка ярдәм» күрсәткечләренең дүртенче блогы кысаларында быелның 11 ае нәтиҗәләре буенча уңай тенденция билгеләнә. Илкүләм рейтинг методикасы буенча кече һәм урта бизнес хезмәткәрләренең өлеше 38% (749 мең кеше) дәрәҗәсендә бәяләнә, бу лидер-төбәкләрнең әһәмиятенә тиңдәш. Лидерлык позициясен саклап калу өчен эшкуарларны һәм үзмәшгульләрне федераль һәм республика чараларына, шул исәптән яңа салым режимына (АУСН) җәлеп итүне дәвам итәргә кирәк.

Бизнеска мәгълүмати ярдәм сыйфатын бәяләүне арттыру өчен Татарстанда NPS-система (кара-каршы элемтә җыю системасы) кертелә, бу белем бирү программаларының составын һәм тематикасын эшкуарларның ихтыяҗларына карап көйләргә мөмкинлек бирәчәк. Мөрәҗәгатьләр нигезендә яшь һәм социаль эшкуарлар, хатын-кызлар эшкуарлыгы, шулай ук маркетплейсларда продукцияне сату өчен укыту чаралары актуальләштерелгән.

Министр хәбәр иткәнчә, Татарстан «Үтәдән-үтә инвестиция агымы» проектын тормышка ашыруда катнашучы күзәтүче төбәк итеп билгеләнгән. Әлеге проектта катнашу инвестор хезмәт күрсәткәндә үткән вакытны һәм процедураларны кыскарту өчен объектив резервларны ачыкларга мөмкинлек бирә. Росатом экспертлары белән берлектә, Татарстанда инвестор гамәлләре алгоритмнарын анализлау һәм картировкалау буенча 8 юнәлеш буенча эш алып барыла. Моның өчен юнәлеш министрлары һәм җитәкчеләре җитәкчелегендә эшче төркемнәр формалаштырылган, алар составына барлыгы 70 кеше керә.

ТР Инвестицион үсеш агентлыгы җитәкчесе Талия Миңнуллина, үз чиратында, инвесторларның һәм хакимият органнарының инвестпроектларны килештерү өлешендә хезмәттәшлеген оптимальләштерү зарурлыгын билгеләп үтте. Мәсәлән, Татарстан Республикасы Инвестиция советы беркетмәсе, рөхсәт ителгән барлык срокларны бозып, документның 17 версиясен килештергәннән соң генә чыккан. «Һәр инвестор үз проекты буенча карар кабул итүне көтте, чөнки кадастр номерлары һәм җир мәсьәләләре дистәләгән тапкыр яңадан карала», - диде ведомство башлыгы.

Рөстәм Миңнеханов юнәлеш министрлыкларына һәм ведомстволарга инвесторлар үз проектларын тормышка ашыруга мөмкин кадәр тизрәк күчә алсын өчен инвестицион циклны тизләтергә кушты. «Килештерү документларыбыз буенча карарлар Инвестицион советта кабул ителгән инде. Бюрократияне арттырырга кирәк түгел. 10 көн дәвамында документ килештерелсен өчен регламентны төгәл язарга кирәк», - дип ассызыклады ТР Президенты.

Шулай ук утырыш кысаларында төзелешкә рөхсәтләр бирү, су белән тәэмин итү һәм ташландык суларны агызу челтәрләренә тоташу, шулай ук объектны файдалануга тапшыру процедураларының нәтиҗәлелеге турында Татарстан Республикасы төзелеш, архитектура һәм ТКХ министрының беренче урынбасары Алексей Фролов сөйләде. «Газпром трансгаз Казан» ҖЧҖ генераль директоры Рөстәм Усманов газ үткәргечкә тоташу процедураларының нәтиҗәлелеген арттыру өчен кирәкле чараларны билгеләде. Ә Казан Башкарма комитеты җитәкчесе Рөстәм Гаффаров Татарстан башкаласының муниципаль хезмәтләрне оптимальләштерү тәҗрибәсе белән уртаклашты. Моннан тыш, утырышта катнашучыларны «Үтәдән-үтә инвестиция агымы» проекты белән җентекләбрәк таныштырдылар.