Рөстәм Миңнеханов Бурсада «TOGG» автозаводында булды

Татарстан Президенты Рөстәм Миңнеханов Бурсада «TOGG» автомобиль заводында булды. Бу Төркия автомобиль төзү компаниясе, 2018  елда беренче эчке электр машинасын төзү буенча милли проектны тормышка ашыру өчен оешкан.

ТР Президентына автомобильләрне двигатель егәрлегенең ике төрле варианты белән чыгару планлаштырыла, дип хәбәр иттеләр. Киләчәктә - 5 модель.

Алдан заказ бирү 2023 елның февраленә планлаштырылган, март аена - реализацияләү. Елына 175 000 артык машина чыгару планлаштырыла. Завод 90%ка автоматлаштырылган.

«Бүген биредә булуыгыз безнең өчен зур дәрәҗә», - дип мөрәҗәгать итте завод җитәкчелеге Рөстәм Миңнехановка.

«Сезне мондый проект белән котлыйбыз. Узган июньдә сез аны безгә тәкъдим иткән идегез, һәм бүген җитештерүне күрү мөмкинлеге бар. Проект уңышлы булыр дип ышанам», - диде Рөстәм Миңнеханов.

Татарстан Республикасы Президентына проект турында җентекләп сөйләделәр, шулай ук эретеп ябыштыру һәм җыю цехларын күрсәттеләр. Экскурсия ахырында электр машинасына тест-драйв уздырылды.