Роман Шәйхетдинов Үзбәкстанның Җизак өлкәсе хәкиме белән очрашты

Бүген Җизак шәһәрендә (Үзбәкстан Республикасы) Премьер-министр урынбасары Роман Шәйхетдинов җитәкчелегендә Җизак өлкәсе хәкиме Эргаш Салиев җитәкчелегендәге делегацияләр һәм Татарстан Республикасы Хөкүмәте арасында очрашу узды. Ике яклы сәүдә-икътисадый хезмәттәшлекне үстерүгә юнәлдерелгән очрашу Татарстан Республикасы делегациясенең Җизак шәһәренең ИТ-паркында булуы кысаларында узды.

Яклар хезмәттәшлекнең хәзерге торышы турында сөйләштеләр һәм яңа килешүләргә килделәр, аерым алганда, үзара сәүдә структурасын һәм күләмнәрен алга таба арттыру һәм диверсификацияләү, шулай ук илкүләм экспортны алга этәрү.

Яклар шулай ук мәгълүмат һәм коммуникация технологияләре өлкәсендә хезмәттәшлек итәргә: илкүләм эшләнмәләрнең программ продуктларын һәм хезмәтләрен тышкы базарларга чыгару, алга этәрү, экспортлау өлкәсендә тәҗрибә уртаклашырга, шулай ук ИТ-парк (Җизак өлкәсе) һәм «Иннополис» махсус икътисадый зонасы резидентлары арасында нәтиҗәле нетворкинг  үстерергә килештеләр.

Исегезгә төшерәбез, Роман Шәйхетдинов җитәкчелегендәге Татарстан Республикасы делегациясе Үзбәкстан Республикасында эш сәфәрендә. Бүген делегация шулай ук Җизак шәһәрендәге КФУ филиалында булды.