Роман Шәйхетдинов Мәскәүдә FINOPOLIS форумында чыгыш ясады

Россия Банкы – FINOPOLIS инновацион финанс технологияләре форумы 10-11 ноябрьдә Мәскәүнең «Крокус Экспо» халыкара күргәзмәkoh үзәгендә үтә. Биредә финтех-индустриянең, банк һәм ИТ-берләшмәнең әйдәп баручы экспертлары һәм лидерлары, цифрлы технологияләрне куллану, импортны алыштыру, цифрлаштыруны үстерү һәм башка мәсьәләләр буенча фикер алышу өчен дәүләт хакимияте органнары вәкилләре җыелды.

Татарстан Республикасы Премьер-министры урынбасары Роман Шәйхетдинов «Цифрлы серфинг: дулкын артында дулкын» пленар дискуссиясендә катнашты, анда катнашучылар – Россия Цифрлы үсеш, элемтә һәм массакүләм коммуникацияләр министрлыгы, Сбербанк, Альфа-Банк, VK – инфраструктфрлы платформалар һәм инфраструктура үсеше, Цифрлы идентификация һәм ачык API (кушымталарны программалаштыру интерфейслары) үсеше турында фикер алыштылар.

Сессия модераторы – Россия Федерациясе Үзәк банкы Рәисенең беренче урынбасары Ольга Скоробогатованың региональ цифрлы уңышлы хәл ителешләр һәм бөтен илгә таратырга мөмкин булган сервислар турындагы соравына җавап биреп, Роман Шәйхетдинов Татарстан һәрвакыт цифрлаштыруның югары дәрәҗәсенә ия булуын әйтте. Электрон хезмәттәшлек өчен платформаларны республикада 15 елдан артык төрле формаларда куллануны хәбәр итте.

Алар арасында: Татарстан Республикасының Дәүләт һәм муниципаль хезмәтләре порталы, ул API һәм системаара багланышларны куллана, халык өйдән чыкмыйча гына социаль яклау чараларын алу өчен гариза бирә, табибка языла, баланың мәктәптә фәннәрдән алган билгеләрен, җирле икътисадның актив үсешенә мөмкинлек бирә торган «Минем субсидияләрем» һәм «Локоло» сервисларын карый алаһәм башкалар. Спикер билгеләп үткәнчә, Россиядә төбәкләр өчен керү мөмкинлеге булган ачык API үсеше яңа сервислар һәм бизнес-модельләр барлыкка килү өчен шартлар тудырырга мөмкинлек бирәчәк.

FINOPOLIS 2021/22 инновацион финанс технологияләре форумы, ИТ һәм финанс базары лидерлары белән берлектә, Россия Банкы тарафыннан үткәрелә һәм финанс секторында заманча цифрлы технологияләр куллану тенденцияләре һәм мөмкинлекләре турында фикер алышу һәм анализлау өчен илдә иң эре мәйданчык булып тора.