Марат Җәббаров техник авыл хуҗалыгы культураларын җыю темплары турында сөйләде

Бүген Татарстан Республикасы Премьер-министры урынбасары – Татарстан Республикасы Авыл хуҗалыгы һәм азык-төлек министры Марат Җәббаров Татарстан Республикасы Хөкүмәте Йортында узган киңәшмәдә техник авыл хуҗалыгы культураларын җыю темплары турында сөйләде.

Киңәшмәне Татарстан Президенты Рөстәм Миңнеханов үткәрде. Киңәшмәдә шулай ук Татарстан Республикасы Премьер-министры Алексей Песошин да катнашты.

Министр сентябрь башыннан алып узган явым-төшемнәрнең көзге культураларда уңай чагылыш табуын билгеләп үтте, әмма дым җыелып бетмәгән авыл хуҗалыгы культураларын: бәрәңге, шикәр чөгендере һәм яшелчәләрне җыюны җитди катлауландыра. Әйтик, бүгенге көндә 4,6 мең гектар бәрәңгенең 3,8 мең гектары җыеп алынган, ягъни 83%ы. 102 мең тонна уңыш җыеп алынган, 271,8 ц/га яшелчәләр буенча – 1,9 мең га (75%), уртача уңыш 178 ц/га белән 34,5 мең тонна җыелган.

Республикада барлыгы 7 үзйөрешле һәм 56 тагылма бәрәңге җыю комбайны бар. Хәзерге һава шартларында үзйөрешле техника тагылма техникага караганда әйбәтрәк эшли һәм уңыш җыю өчен зуррак потенциалга ия.

Төнге сәгатьләрдә һава торышы фаразлары буенча температура 0 градустан түбән төшәчәк. Бу уңышның сыйфатын һәм күләмен җитди югалтуга китерергә мөмкин. Бәрәңге, кишер һәм ашханә чөгендере минус 2 градус температурада туңа. Бүгенгә тагын 768 га бәрәңге (20,8 мең тонна) һәм 633 га яшелчә (11,2 мең тонна) җыеп аласы бар.

Шикәр чөгендере җыю мәйданнарының 68%ы тәмамланган. 34 мең гектардан 1,257 млн. тонна уңыш җыелган, уңдыш – 370 ц/га, шикәр заводларына 704,5 мең тонна яңа уңыш чыгарылган, 518,8 мең тонна эшкәртелгән. 80,5 мең тонна шикәр җитештерелгән.

Шикәр чөгендерен казуда 76 чөгендер җыю комбайны, 630 берәмлек автомашина эшли. Су басу сәбәпле, кырлардан шикәр заводларына чимал ташу төп проблема булып кала.

Тагын 60,4 мең га басуларда кукуруз җыю дәвам итә, шуның 35,3 мең гектарына 129,9 мең га мәйданнан 2 млн. 817 мең тонна силос әзерләнгән. Тулаем алганда, 1 терлек башына шартлы 36,7 ц. азык берәмлеге бар.

Орлыкка кукуруз 10,9 мең га мәйданнан суктырылган - бу пландагы мәйданнарның 24%ын тәшкил итә, уңдыш – 49,2 ц/га 54 мең тонна ашлык суктырылган.

Көнбагыш җыю дәвам итә. 21%ы җыеп алынган (44,6 мең га), 87 мең тонна май орлыгы суктырылган. Уртача уңыш 19,5 ц/га тәшкил итә, бу узган еллар дәрәҗәсеннән 36%ка артыграк. Тулаем алганда, 350 мең тоннадан артык көнбагыш орлыгы көтелә.

Министр көнбагыш җыюны озакка сузу андагы кислотаның сизелерлек артуына китерә, бу, үз чиратында, продукция классын киметә, диде. Моннан тыш, Татарстан Республикасы буенча Россельхозцентр филиалы мәгълүматлары буенча, дымлы һава соры черүгә ярдәм итә, ул шулай ук май орлыкларының кислотасы артуга китерә.

Татарстан Республикасы Авыл хуҗалыгы һәм азык-төлек министрлыгы тарафыннан Дәүләт ашлык фондының сатып алу интервенцияләрендә катнашу өчен республика авыл хуҗалыгы җитештерүчеләрен җәлеп итү эше дәвам итә. Марат Җәббаров шулай ук җитештерүчеләрнең сатылган ашлыкка чыгымнарын субсидияләү буенча ярдәм чаралары турында да хәбәр итте. Гомумән алганда, әлеге ярдәмгә 1,3 млрд. сумнан артык акча бүлеп биреләчәк. Сайлап алу һәм акчаларны бүлү 2 этапта башкарылачак.

Татарстан Республикасы Авыл хуҗалыгы һәм азык-төлек министрлыгы башлыгы халыкны республика территориясендә Африка дуңгыз чумасы таралу куркынычы турында кисәтергә өндәде. Шәхси хуҗалыклардан тыш, республикада 7 сәнәгать дуңгызчылык предприятиесе бар, аларда якынча 460 мең башка дуңгыз асрала. Аларның һәрберсе буенча биосистемасын арттыру чаралары планы эшләнгән.