Роман Шәйхетдинов «АвтоВАЗ» АҖ вице-президенты Евгений Шмелев белән очрашты

Татарстан Республикасы Премьер-министры урынбасары Роман Шәйхетдинов Самара өлкәсенең Тольятти шәһәрендә «АвтоВАЗ» АҖ стратегиясе һәм техник үсеш буенча беренче вице-президенты Евгений Шмелев белән очрашты.

Яклар автомобиль төзелеше компаниясе һәм Иннополис Университеты арасында кадрлар әзерләү, шулай ук робототехника өлкәсендә уртак проектларны гамәлгә ашыру өлкәсендә хезмәттәшлекне үстерүнең мөмкин булган вариантлары турында сөйләштеләр.

Иннополис Университеты бу өлкәдә кирәкле компетенцияләргә ия. ИТ-югары уку йортының робототехника лабораториясе фундаменталь һәм дисциплинар тикшеренүләр үткәрә, шулай ук төрле тармаклар: самолет төзелеше, транспорт, юллар һәм авыл хуҗалыгы машина төзелеше, ракета-космик җитештерү, автомобиль, җиңел һәм азык-төлек сәнәгате өчен гамәли хәл ителешләр эшләп чыгара.