Рөстәм Миңнеханов Үзбәкстанда шиннар җитештерү заводында булды

Татарстан Президенты Рөстәм Миңнеханов Үзбәкстанга эш сәфәре кысаларында Ангрен шәһәрендә резинотехника заводында булды.

«Birinchi Rezinotexnika Zavodi» ҖЧҖ конвейер тасмалары, авыл хуҗалыгы һәм автомобиль шиннары җитештерә. Предприятиенең еллык егәрлеге 3 млн. берәмлек автомобиль шинына һәм 200 мең авыл хуҗалыгы шинына җитә.

Татарстан Республикасы Президентына завод цехларын күрсәттеләр һәм җитештерү технологиясенең үзенчәлекләре турында сөйләделәр.