Рөстәм Миңнеханов Россия Төзелеш министрлыгы башлыгы Ирек Фәйзуллин белән очрашты

Бүген Татарстан Республикасы Президенты Рөстәм Миңнеханов Россия Федерациясе Төзелеш һәм ТКХ министры Ирек Фәйзуллин белән очрашты. Очрашу «Казан Экспо» мәйданчыгында узды.

Очрашуда республиканың төзелеш блогын һәм торак-коммуналь хуҗалыгын үстерү, «Торак һәм шәһәр тирәлеге» илкүләм проекты кысаларында бурычларны үтәү, шулай ук эре инфраструктура проектларын гамәлгә ашыру мәсьәләләре каралды.

Россия Төзелеш министрлыгы башлыгы, үз чиратында, «КАЗАН Экспо»да узган II Халыкара төзелеш чемпионатын оештыру дәрәҗәсен югары бәяләде. Татарстан башкаласына эш сәфәре кысаларында Ирек Фәйзуллин турнирның ябылу тантанасында катнашачак.