Татарстан Премьер-министры рәислегендә «Сетевая компания» АҖ Директорлар советы утырышы узды

2022 елның 26 сентябрендә Татарстан Республикасы Хөкүмәте Йортында Татарстан Республикасы Премьер-министры Алексей Песошин рәислегендә «Сетевая компания» АҖ Директорлар советы утырышы узды.

Директорлар советы утырышында компаниянең электр челтәрләренә тоташтырылган кулланучыларны электр белән тәэмин итүнең ышанычлылыгы мәсьәләләре, җитештерү һәм финанс-икътисадый эшчәнлек нәтиҗәләре, 2022 елның беренче яртыеллыгында компаниянең капиталь төзелеш планын гамәлгә ашыру каралды.

Директорлар советына 2022 елның 6 ае нәтиҗәләре буенча электр белән тәэмин итүнең ышанычлылыгын һәм аларның динамикасын характерлаучы күрсәткечләр тәкъдим ителде. Компаниянең Директорлар советы авария хәлендәге һәм планлы сүндерүләрнең кимүе динамикасының дәвам итүен билгеләде. Авария буенча сүндерүләрнең уртача озынлыгы (SAIDI) – соңгы өч елда 60%ка, сүндерүнең уртача ешлыгы (SAIFI) 50%ка кимегән. Планлы сүндерүләр буенча, сүндерүләрнең уртача озынлыгы (SAIDI) өч ел эчендә –  21%ка, сүндерүнең уртача ешлыгы (SAIFI) 18%ка кимегән. Уңай нәтиҗә компания тарафыннан санлы инновацион хәл ителешләр һәм технологияләр кертелүгә бәйле.

2022 елның беренче яртыеллыгы йомгаклары буенча Татарстан Республикасы кулланучыларына электр энергиясен тапшыру буенча күрсәтелгән хезмәтләр күләме 13 635,3 млн. кВт/сәг тәшкил иткән, бу узган елның шул ук чорыннан 522,8 миллион кВт/сәг кә артыграк, яки 4%. 2022 елның алты аенда Урта Идел махсус икътисадый зонасының электр энергиясен куллануның факттагы күләме, шул исәптән Татарстан Республикасының да, 2021 елның шул ук чоры куллану дәрәҗәсендә сакланган һәм 55,4 млрд. кВт тәшкил иткән. Шул ук вакытта республикада куллану күләме төбәкләр арасында иң зуры, 2021 елның 1 яртыеллыгына үсеш 4,7% дәрәҗәсендә теркәлгән. 2022 елның 6 аенда кулланучыларны технологик тоташтыру өчен 13592 килешү төзелгән, 11 929 килешү үтәлгән. Үтәлгән килешүләрнең төп өлешен гариза бирүчеләрнең ташламалы төркеме тәшкил итә, анда физик затлар һәм кече бизнес вәкилләре керә.

2022 елның беренче яртыеллыгында үзләштерелгән капиталь кертемнәр күләме 6 245 млн. сум тәшкил иткән (НДСсыз). Зур күләмдә капитал салулар югары көчәнешле туклану үзәкләрен төзү һәм реконструкцияләүгә, 0,4-6(10) кВ көчәнеш класслы бүлү челтәрләрен төзүгә, югары вольтлы электр тапшыру линияләрен төзүгә һәм реконструкцияләүгә юнәлдерелгән. 2022 елга капиталь төзелеш планы кысаларында финанслауның бүленеп бирелгән чыганаклары чикләрендә Бөгелмә 220 кВ ПС 500 кВ Бөгелмә ПС 220 кВ Туйма-2, ПС 110 кВ Азино, ПС 110 кВ кебек эре, социаль һәм икътисадый әһәмиятле проектлар гамәлгә ашырыла, кулланучыларның электр белән тәэмин ителешенең ышанычлылыгын һәм җибәрелә торган сыйфатын арттыруга юнәлдерелгән чаралар электр энергиясен бүлү челтәрендә башкарыла, технологик тоташтыру шартнамәләре буенча техник шартлар нигезендә кулланучыларны тоташтыру чаралары, объектларны саклауның инженер-техник чараларын исәпкә алу приборларын урнаштыру һәм модернизацияләү буенча эшләр башкарыла.