Рөстәм Миңнеханов Иран Нефть министры урынбасары – Иран Милли нефть химиясе компаниясе генераль директоры Мортаза Шаһ Мирзаи белән очрашты

Бүген Татарстан Иран Ислам Республикасы белән хезмәттәшлек итү белән кызыксына. Бүген бу хакта Татарстан Республикасы Президенты Рөстәм Миңнеханов Иран Ислам Республикасы Нефть министры урынбасары – Иран Милли нефть химиясе компаниясе генераль директоры Шаһ Мирзаи белән очрашуда хәбәр итте.

Исегезгә төшерәбез, Иран делегациясе Татарстанга эш сәфәренә килде.

Рөстәм Миңнеханов Иран коллегаларына Татарстан белән хезмәттәшлек үсешенә игътибарлары һәм шушы визитлары өчен рәхмәт белдерде. Ул, хәзерге визит безнең ике яклы мөнәсәбәтләр үсешенә яхшы этәргеч бирер, дигән ышаныч белдерде.

«Татарстан Иран белән Россия-Иран мөнәсәбәтләрен ныгытуга юнәлгән хезмәттәшлекне югары бәяли, - диде Рөстәм Миңнеханов. - Татарстан белән Иранның бай тарихи, икътисадый һәм мәдәни багланышлары бар, үзара багланышлар буенча зур тәҗрибә тупланган».

Татарстан Республикасы Президенты искә төшергәнчә, Россия һәм Иран җитәкчелеге сәүдә-икътисадый өлкәдә уртак проектларны гамәлгә ашыруны да кертеп, ике яклы хезмәттәшлекне ныгытуга әзер. Әйтик, агымдагы елның 19 июлендә Россия Президенты Владимир Путин Тәһранда эш сәфәрендә булды. Иран Президенты Сәед Ибраһим Рәиси агымдагы елның гыйнварында Россиядә булды. Ике ил җитәкчеләре сөйләшүләре нәтиҗәләре мөнәсәбәтләрне үстерү һәм аларны практик яссылыкка чыгару өчен сәяси ихтыяр барлыгын күрсәтә.

Белешмә өчен:

Татарстанда (Казанда) Иран Генераль Консуллыгы эшли (2007 елдан). Татарстан һәм Иран хөкүмәтләре арасында Сәүдә хезмәттәшлеге турында меморандум төзелде (1996 елдан). Татарстан компанияләре төрле елларда Иранда проектларны тормышка ашырдылар.

2022 елның июнендә Тәһран Татарстан бизнес-миссиясендә булды, ул ике якның да эшк белән җитди кызыксынуын билгеләп үтте, августта Премьер-министр урынбасары – Сәнәгать министры О.В. Коробченко җитәкчелегендәге вәкиллекле делегация Тәһранда һәм Иранның кайбер провинцияләрендә булды.

Моннан тыш, быел Иран делегациясе KazanSummit халыкара икътисадый саммитында, «Россия – Ислам дөньясы» стратегик караш төркеме утырышында катнашты. Иран компанияләре хәләл ЭКСПО күргәзмәсендә катнаштылар, Казан Кремлендә Иран сәнгате күргәзмәсе оештырылды, Казанда Иран киносы көннәре узды.