Рөстәм Миңнеханов «ТАИФ» төркеменең 2021 елдагы эш йомгаклары буенча киңәшмә уздырды

Бүген Татарстан Республикасы Президенты Р.Н. Миңнеханов «ТАИФ» компанияләр төркеме җитәкчелеге белән киңәшмә уздырды, анда 2021 елда компанияләр төркеменең эш нәтиҗәләре һәм 1995 елдан алып эшчәнлекнең кыскача нәтиҗәләре турында фикер алыштылар. Киңәшмә видеоконференцэлемтә режимында узды. Киңәшмәгә «ТАИФ» ААҖ Директорлар советы әгъзалары, «ТАИФ» ААҖ генераль директоры һәм аның урынбасарлары, шулай ук ТАИФ төркеменең бүлендек компанияләре җитәкчеләре чакырылган иде.

Киңәшмә барышында, хисап елы башланганда төркемгә кергән барлык 42 компанияне дә исәпкә алып, 2021 ел өчен ТАИФ компанияләр төркеменең төп күрсәткечләре белдерелде. ТАИФ төркеменең сальдо кереме узган елда 1,1 трлн. сум тәшкил иткән. EBITDA – 235 млрд. сум. 2021 елда төп фондларга 82 млрд. сум инвестицияләнгән. Барлык дәрәҗәдәге бюджетларга 68 млрд. сум салым һәм җыем түләнгән, шул исәптән 28 млрд.сум – Татарстан Республикасы берләштерелгән бюджетына.

2021 елда нефтьнең авыр калдыкларын тирәнтен эшкәртү комплексы («ТАИФ-НК» АҖ) тәҗрибә-сәнәгать режимында коммерция эксплуатациясенә кертелгән, дивинил-стироль синтетик каучук («Түбән Кама нефтехим» ГАҖ) җитештерүен эшләтеп җибәргәннәр, ТАИФ компанияләр төркеменең Казан шәһәрендәге күп функцияле бизнес-үзәге эшли башлаган. ТАИФ төркеменең 2030 елга кадәр үсеш стратегиясендә каралган проектларны, шул исәптән, СИБУР берләштерелгән компаниясе составына кергән ТАИФ төркеме предприятиеләре проектлары: ЭП-600 этилен комплексы, ПГУ-ТЭС Казанда гамәлгә ашыру дәвам итә. Казан шәһәрендә 495 МВт һәм ПДУ егәрлеге 250 МВт булган Түбән Кама шәһәре, шулай ук бисфенол заводында изопропилбензол җитештерүне модернизацияләү һәм поликарбонатлар җитештерү куәтен елына 100 мең тоннага кадәр арттыру күздә тотыла.

ТАИФ төркеме эшчәнлеге нәтиҗәләре буенча фикер алышканнан соң, «ТАИФ» ААҖ Директорлар советы утырышы уды, аны Р.Н. Миңнеханов ачты. Татарстан Республикасы Президенты тәкъдиме буенча Директорлар советы рәисе итеп Р.Н. Сүлтиев, директорлар Советы Рәисе урынбасары итеп Р.А. Шиһабетдинов сайланды. Шулай ук «ТАИФ» АҖ генераль директоры А.К. Шиһабетдиновның вәкаләтләре расланды.