Рөстәм Миңнеханов ПХИФ-2022 пленар утырышында катнашты

Бүген Татарстан Республикасы Президенты Рөстәм Миңнеханов Петербург халыкара икътисадый форумының пленар утырышында катнашты. 2022 елгы форумның темасы – «Яңа дөнья – яңа мөмкинлекләр».

Пленар утырышта Россия Федерациясе Президенты Владимир Путин чыгыш ясады.

Белешмә өчен:

ПХИФ – дөньяда иң масштаблы һәм әһәмиятле эшлекле вакыйгаларның берсе. 25 ел эчендә Форум глобаль икътисадның төп мәсьәләләре буенча фикер алышу һәм тотрыклы үсешне тәэмин итү максатларында иң яхшы дөнья практикалары һәм компетенцияләре алмашу өчен әйдәп баручы дөнья мәйданчыгы статусын алды.

ПМЭФ 1997 елдан башлап ел саен үткәрелә. 2005 елдан башлап Форум химәясе астында һәм Россия Федерациясе Президенты катнашында үткәрелә.

2021 елда ПХИФ коронавирус пандемиясе аркасында мәҗбүри тәнәфестән соң дөньяда беренче һәм иң масштаблы эшлекле вакыйга булды һәм заманча цифрлы технологияләр кулланып узды. Дүрт көн эчендә форумга 141 илдән 13 500 дән артык катнашучы, шул исәптән 46 илдән 1000нән артык массакүләм мәгълүмат чаралары вәкилләре килде. Алар арасында дәүләт һәм хөкүмәт башлыклары, эре компанияләр җитәкчеләре, шулай ук фәнни даирәләр һәм гражданлык җәмгыяте вәкилләре арасыннан әйдәп баручы дөнья экспертлары бар.

2022 елда  Петербург халыкара икътисадый форумының кунак иле Мисыр булды.