Татарстан Республикасы Президенты Рөстәм Миңнеханов Бәһрәйннең Россия Федерациясендәге Гадәттән тыш һәм Тулы вәкаләтле Илчесе белән очрашты

Бүген Татарстан Республикасы Президенты Рөстәм Миңнеханов Бәһрәйн Корольлегенең Россия Федерациясендәге Гадәттән тыш һәм Тулы вәкаләтле Илчесе белән очрашты. Очрашу Петербург халыкара икътисади форумы кысаларында узды.

Рөстәм Миңнеханов Әхмәд Абдрахман Әл-Саатига Россия-Бәһрәйн мөнәсәбәтләре кысаларында Россия Федерациясе регионы буларак Татарстан белән хезмәттәшлеккә игътибары өчен рәхмәт белдерде.
 
"Безнең дустанә элемтәләребезнең, бигрәк тә бүгенге катлаулы шартларда, күптән түгел Татарстанга Бәһрәйн ислам эшләре буенча Югары Советы рәисе шәех Абдрахман бин Мөхәммәд бин Рәшид Әл Хәлифәнең килүе дә ачык дәлиле булып тора", - дип искәртте Рөстәм Миңнеханов, кунакны сәламләп.
 
Исегезгә төшерәбез, Бәһрәйн ислам эшләре буенча Югары Советы Рәисе быел май аенда Казанда Идел буе Болгарында ислам динен кабул итүгә 1100 ел тулуны бәйрәм итү кысаларында уздырылган чараларда катнашты.
 
"Бәһрәйн короле Хамад бән Исе Әл хәлифәгә безнең илдә узган чараларда катнашуыгыз өчен рәхмәт сүзләрен җиткерүегезне сорыйм", - дип мөрәҗәгать итте Рөстәм Миңнеханов илчегә.
 
ТР Президенты билгеләп үткәнчә, Татарстан Бәһрәйн белән элемтәләрне югары бәяли һәм аларны киңәйтергә омтыла. Рөстәм Миңнеханов искә төшергәнчә, Бәһрәйн белән «Татнефть» компаниясе хезмәттәшлек итәргә тели, һәм аның вәкилләре кооперация һәм багланышлар буенча фикер алышу өчен Манамага барырга әзер.

Моннан тыш, Бәһрәйнне Татарстанның инвестиция проектларын гамәлгә ашыруга җәлеп итү буенча хезмәттәшлек, «ислам финанслары», «ислам банкингы», «ислам туризмы» өлкәсендә хезмәттәшлекне җайга салу, Ислам хезмәттәшлеге оешмасы, «Россия – ислам дөньясы» стратегик караш төркеме кебек халыкара форматлар кысаларында хезмәттәшлек, Бәһрәйнгә машина төзелеше комплексы предприятиеләре җитештергән продукция («КАМАЗ» ГАҖ), туку сәнәгате өлкәләрендә хезмәттәшлек мөмкинлекләре зур дип санала.

"Король галиҗанәпләре, һичшиксез, Казанга киләчәк, - диде илче. - Без Бәһрәйнның бик дустанә ил булуын раслыйбыз. Барлык юнәлешләр буенча да хезмәттәшлек итәргә һәм файдалы булырга әзер. Камаз белән хезмәттәшлек безгә кызык".