Татарстан Президенты Түбән Кама һәм Чаллы шәһәрләрен әйләнеп чыгу юлы төзелешенең барышы белән танышты

Бүген Татарстан Республикасы Президенты Рөстәм Миңнеханов Түбән Кама һәм Чаллы шәһәрләрен йәйләнеп чыгу юлы участогында М-7 «Волга» автоюлын төзү мәсьәләләре буенча күчмә киңәшмә уздырды. Киңәшмә Түбән Кама районының Шәңгәлче авылы янында Федераль юл агентлыгы җитәкчесе Роман Новиков, ТР транспорт һәм юл хуҗалыгы министры Фәрит Хәнифов, «Федераль юл агентлыгының Идел-Нократ төбәге автомобиль юллары федераль идарәсе» ФКУ башлыгы Илдар Минһаҗев, проектлаучылар, район башлыклары һәм «Алексеевскдорстрой»тҗитәкчелеге катнашында узды.

Исегезгә төшерәбез, объектларны карап чыгу Казан – Екатеринбург тиз йөрешле маршруты проектын гамәлгә ашыру кысаларында өч этапта алып барыла. Хәзерге вакытта беренче этап буенча проект документлары баш дәүләт экспертизасы каравында. Өченче этап буенча РФ экспертизасының уңай бәяләмәсе бирелгән, подрядчы оешманы билгеләгәннән һәм контракт төзегәннән соң төзелешкә керешү планлаштырыла.

Бүген төзелеш-монтаж эшләре 23,7 км озынлыктагы икенче этапта бара. Президент шулай ук юл төзүчеләр белән дә сөйләште.

Киңәшмәне ачып, Рөстәм Миңнеханов ассызыклаганча, яңа юл республикада транспорт үтемлелеген шактый яхшыртырга һәм Түбән Кама ГЭСы плотинасы буйлап йөрүне бушатырга мөмкинлек бирәчәк.

Аннары очрашуда катнашучылар төзелеш эшләренең барышы турында фикер алыштылар. Бүген икенче этапта төзелеш территориясен әзерләү дәвам итә, җитештерү базалары төзелә, АБЗ һәм ГСУ монтажлана, материаллар китерелә. Объектта 937 мең кубометр өем урнаштырылган инде, бу барлык күләмнең 40%ын тәшкил итә.

Параллель рәвештә проектта каралган 30 торбаның 7се төзелә. Алан, Клятлинка, Авлаш, Аштылга һәм инешләрдәге җиде күперенгә терәкләр кору эшләре бара.

Объектта 144 берәмлек техника һәм 300 дән артык эшче эшли.