Татарстанда 1 апрельгә муниципаль милекне һәм җир кишәрлекләрен аренда шартнамәләре буенча бурычларның гомуми суммасы 486 млн. сум тәшкил иткән

Бүген Татарстан Республикасы Хөкүмәте Йортында узган киңәшмәдә Татарстан Республикасы Җир һәм мөлкәт мөнәсәбәтләре министры Фәнил Әһлиуллин 2022 елның беренче кварталында аренда түләүләре буенча бурычларны киметү эшләренең барышы турында хәбәр итте.

Киңәшмәне Татарстан Республикасы Президенты Рөстәм Миңнеханов уздырды, анда Татарстан Республикасы Премьер-министры А.В. Песошин да катнашты.

2022 елның 1 апреленә муниципаль милекне һәм җир кишәрлекләрен аренда шартнамәләре буенча бурычларның гомуми суммасы 486 млн. сум тәшкил иткән, шул исәптән 444,7 млн. сумы (91,5%ы) – җир кишәрлекләре өчен һәм 41 млн.нан артыгы (8,5%ы) – мөлкәт өчен.

Быел беренче кварталда бурычларның гомуми суммасы 37 млн. сумга арткан. Шул ук вакытта җир буенча – 31 млн. сум, милек буенча 6 млн. сум арткан.

Республикада бурычларның гомуми динамикасы шәһәр округлары тарафыннан билгеләнгәнгә күрә, Фәнил Әһлиуллин аларга җентекләп тукталды.

Казанга агымдагы елның беренче кварталында гомуми бурычның 66%ы туры килә. Җирне арендасы шартнамәләре буенча бурыч 24 млн. сумга арткан һәм 295,8 млн. сум тәшкил итә, милек буенча 6 млн. сумга арткан һәм 31,7 млн. сум тәшкил итә.

Чаллы шәһәрендә җир арендасы шартнамәләре буенча бурыч 100 мең сумга киметелгән һәм милек буенча 40,7 млн. сум тәшкил итә, бурыч 200 мең сумга киметелгән һәм 1,5 млн. сум тәшкил итә.

Чаллы шәһәре бурычларының өлеше республика буенча гомуми бурычның 9%ын тәшкил итә.

ТР җир һәм мөлкәт мөнәсәбәтләре министры билгеләп үткәнчә, беренче кварталда 19 муниципаль берәмлекнең бурычлары кимегән. Тукай, Югары Ослан, Түбән Кама, Питрәч һәм Әлмәт районнарында иң аз кимегән.

Шул ук вакытта 25 муниципалитет бурычларны арттыруга юл куйган. Казаннан тыш, иң зур үсеш Лаеш, Зеленодольск, Актаныш, Минзәлә, Чистай районнарында күзәтелә.

ТР Җир һәм мөлкәт мөнәсәбәтләре министрлыгы башлыгы шулай ук 2021 ел башланганнан бирле бурычларны киметү мәсьәләсе атна саен видеоконференция режимында ТР Финанс министрлыгы белән Федераль салым хезмәте һәм Суд приставлары хезмәте вәкилләре катнашында уртак киңәшмәләрдә каралуын билгеләп үтте (барлыгы 93 шундый киңәшмә үткәрелгән).

Бурычлылар белән эшне активлаштыру нәтиҗәсендә, шул исәптән киңәшмәләр нәтиҗәләре буенча, апрель ае дәвамында Лаеш районында бурычлар ике тапкыр киметелде һәм Зеленодольск районында өч тапкыр диярлек.

Үз нотыгында министр билгеләп үткәнчә, бурычларның зур күләме 43,5 млн. сумы ликвидация яки банкротлык стадиясендә булган арендаторларга туры килә, бу ел башына әлеге күрсәткечтән 10 млн. сумга артып китә. Ул кредиторлар реестрына кертү өчен үз вакытында чаралар күрү кирәклеген искәртте.

Чыгышының ахырында Фәнил Әһлиуллин аренда шартнамәләренең алга таба бурычлар арту билгеләре булган очракларда вакытында өзелүенә игътибар итте.