Роман Шәйхетдинов «Газпром трансгаз Томск» җитәкчесе Владислав Бородин белән очрашты

Татарстан Республикасы Премьер-министры урынбасары Роман Шәйхетдинов Иннополис университеты җитәкчелегенең «Газпром трансгаз Томск» ҖЧҖ генераль директоры Владислав Бородин җитәкчелегендәге делегация белән эшлекле очрашуында катнашты. Очрашу бүген Иннополиста узды һәм 2022 – 2023 елларга юл картасы кысаларында якларның уртак проектларын гамәлгә ашыруга багышланган иде.

Очрашу башында Роман Шәйхетдинов «Газпром трансгаз Казан» җитәкчелегенә компаниянең цифрлы трансформация өлешендә Иннополиска ышаныч белдерүләре өчен рәхмәт белдерде. Владислав Бородин, үз чиратында, бүгенге көндә цифрлы трансформациядән башка, бер генә компаниянең дә киләчәге юк, нәкъ менә ул хезмәт җитештерүчәнлеген арттыруда һәм барлык бизнес-процессларның нәтиҗәлелеген арттыруда мөһим инструмент булып тора, дип ассызыклады.

Яклар индустриаль санлы хәл ителешләрне (торба эчендә диагностика, газ чыгару агрегатларын вибродиагностикалау, геомәгълүмат системалары, эретеп ябыштыру катнашмаларының рентгенографиясе буенча) эшләү, шулай ук ИТ-югары уку йорты базасында компания хезмәткәрләренең өстәмә «цифрлы» белем алуы турында фикер алыштылар.

Университетның һәм Газпромның бүлендек компаниясенең актив хезмәттәшлеге 2021 елның октябреннән бирле үсә, ул чакта ИТ-югары уку йорты тарафыннан «Газпром трансгаз Томск»ның «Киләчәккә караш» дигән дүрт көнлек стратегик сессиясе уздырылды. 2022 елның апрелендә Татарстан Республикасы Премьер-министры урынбасары Роман Шәйхетдинов җитәкчелегендәге Татарстан Республикасы делегациясе Томскка килде, анда Хезмәттәшлек турында килешү имзаланды.