Рөстәм Миңнеханов Чечня Республикасына эш сәфәренә килде

Бүген Татарстан Республикасы Президенты Рөстәм Миңнеханов Чечня Республикасына бер көнлек эш сәфәренә килде.

«Грозный» халыкара аэропортында Рөстәм Миңнехановны Чечня Республикасы Башлыгы Рамзан Кадыйров каршы алды.

Эш сәфәре программасында – Чечня Республикасы җитәкчелеге белән очрашулар, Рамазан Кадыйров белән әңгәмә, шулай ук документларга кул кую планлаштырылган.

Татарстан делегациясе составында «КАМАЗ» ГАҖ генераль директоры Сергей Когогин, башка рәсми затлар бар.