Рөстәм Миңнеханов Казанда Җиңү паркында Мәңгелек утка чәчәкләр салды

Бүген Татарстан Республикасы Президенты Рөстәм Миңнеханов Казанның Җиңү паркында Дан Мемориалы Колоннадасының Мәңгелек утына чәчәкләр салды.

Тантанада шулай ук Татарстан Республикасы Дәүләт Киңәшчесе, Россия Хезмәт Герое Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы Премьер-министры Алексей Песошин, Казан мэры Илсур Метшин, Бөек Ватан сугышы ветераннары катнашты.

Җиңү Паркына кергән җирдә Рөстәм Миңнехановны яшь армиячеләр һәм яшьләр оешмалары вәкилләре каршы алды.

Татарстан Президенты шулай ук һәлак булган геройларга хөрмәт күрсәтергә килгән ветераннарны сәламләде.

Россия Федерациясе һәм Татарстан Республикасы дәүләт гимннары яңгырады.

Аннары Мәңгелек утка веноклар һәм чәчәкләр салдылар.

Рөстәм Миңнеханов, Минтимер Шәймиев һәм тантанада катнашучылар шулай ук һәлак булган солдатларның аналары һәм толлары монументына, Совет солдаты монументына чәчәкләр салдылар.

Чара ахырында Рөстәм Миңнеханов һәм Минтимер Шәймиев Җиңүнең 77 еллыгын бәйрәм итү уңаеннан Казан гарнизоны гаскәрләрен һәм махсус бүлекчәләрне узуда катнашу өчен «Победа» ретро автомобилендә Меңьеллык мәйданына юнәлделәр.