Рөстәм Миңнеханов Мьянмага эш сәфәренә килде

Бүген Татарстан Республикасы Президенты Рөстәм Миңнеханов Мьянмага эш сәфәренә килде. Нейпьидо шәһәренең халыкара аэропортында аны Россия Федерациясенең Мьянма Союзы Республикасындагы Гадәттән тыш һәм Тулы вәкаләтле Илчесе Николай Листопадов һәм Мьянма Тышкы эшләр министры урынбасары каршы алды.

Эш сәфәре кысаларында Президент берничә ведомство җитәкчесе белән очрашачак, шулай ук Мьянма һәм Татарстан эшлекле даирәләре вәкилләре белән түгәрәк өстәлдә катнашу планлаштырылган. Татарстан Республикасының сәнәгать потенциалын тәкъдир итү булачак.

Татарстан делегациясе составында Татарстан Республикасы сәнәгать һәм сәүдә министры Альберт Кәримов, «КАМАЗ» ГАҖ генераль директоры Сергей Когогин, «Казан вертолетлар заводы» АҖ продукциясен сату буенча идарәче директоры урынбасары, «Эйдос-Медицина» ҖЧҖ генераль директоры, «Казан май комбинаты» АҖ вәкилләре һәм башкалар бар.