Рөстәм Миңнеханов: Предприятиеләргә ярдәм итәргә мөмкинлек бирүче чаралар кирәк, төп бурычларның берсе – эш урыннарын саклап калу

2022 елның 1 кварталында Татарстан Республикасы берләштерелгән бюджетының салым һәм салым булмаган керемнәре 85 млрд. сум күләмендә кергән. Республика бюджеты 72,3 млрд. сумга үтәлгән. Җирле бюджетларга 12,7 млрд. сум акча мобилизацияләнгән.

Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы финанс министры Татарстан Республикасы Президенты ярдәмчесе Радик Гыйматдинов Гайзатуллин хәбәр итте.

Киңәшмә 2022 года елның 1 кварталында Татарстан Республикасы берләштерелгән бюджеты үтәлеше йомгакларына һәм 2022 елда Татарстан Республикасы финанс, казначылык һәм салым органнарының бурычларына багышланды.  

Киңәшмәдә ТР Дәүләт Советы Рәисе Фәрит Мөхәммәтшин, ТР Премьер-министры Алексей Песошин, министрлыклар һәм ведомстволар вәкилләре катнашты. Чара барлык муниципалитетлар белән видеоконференцэлемтә режимында узды.

Татарстан Республикасы Финанс министрлыгы башлыгы 2022 елның 1 кварталында Татарстан Республикасы берләштерелгән бюджетын үтәү йомгаклары һәм агымдагы ел азагына кадәр бурычлар турында сөйләде.

Шулай итеп, Татарстан Республикасы Финанс министрлыгы мәгълүматлары буенча, табышка салым өч айда 34,5 млрд. сум күләмендә кергән.

2022 елның 1 кварталында физик затлар кеременә салым республиканың берләштерелгән бюджетына 23,8 млрд. сум күләмендә кергән.

Татарстан Республикасының берләштерелгән бюджетына акцизлар 9,3 млрд. сум тәшкил иткән.

Республиканың берләштерелгән бюджетына җыелма керемгә салымнар 4,1 млрд. сум тәшкил иткән, шул исәптән Татарстан Республикасы бюджетына – 2,6, җирле бюджетларга – 1,5 млрд.сум.

Җир салымы 1,8 млрд. сум күләмендә кергән.

Татарстан Республикасы берләштерелгән бюджетына салым булмаган керемнәр 2,9 млрд.сум тәшкил иткән, республика бюджетына – 1,2 млрд. сум, җирле бюджетларга – 1,7 млрд. сум.

Татарстан Республикасы берләштерелгән бюджеты чыгымнары 95,1 млрд. сум тәшкил иткән. Республика бюджеты чыгымнары – 80,1, җирле бюджетлар чыгымнары – 33,3 млрд. сум.

Ел башына бюджет акчаларының калган һәм 2022 елның 1 кварталында кергән керемнәре хезмәт хакын тулысынча һәм вакытында түләргә, барлык дәрәҗәләрдәге бюджетларның планлаштырылган беренче чираттагы чыгымнарын тиешле күләмдә финансларга мөмкинлек биргән.

Татарстан Республикасында илкүләм проектлар кысаларында чараларны финанслауның гомуми күләме 22 елга 29,4 млрд. сум тәшкил итә, шул исәптән федераль бюджет акчалары – 19,1, Татарстан Республикасы бюджеты – 10,3 млрд. сум.

2022 елның 1 апреленә Татарстан Республикасының дәүләт бурычы 98,1 млрд. сум тәшкил иткән, шул исәптән федераль кредитлар буенча йөкләмәләр күләме – 86,7 млрд. сум, дәүләт гарантияләре буенча – 11,4 млрд. сум.

Агымдагы елның 1 кварталында Татарстан Республикасы инфраструктура проектларын гамәлгә ашыруны финанс белән тәэмин итүгә бюджет кредитының гомуми суммасыннан 731 млн. сум күләмендә беренче транш алган.

Татарстан Республикасы, федераль кредитлар буенча кирәкле түләүләрне санап, үз вакытында йөкләмәләрне үти, дип белдерде Радик Гайзатуллин.

Татарстан Республикасы Президенты Рөстәм Миңнеханов, киңәшмә барышында чыгыш ясаганда, кайбер предприятиеләрнең табышка салымның кимүенә юл куйганын, тулаем алганда, 2 млрд. сум чамасы кимүен әйтте һәм предприятиеләргә ярдәм итәргә мөмкинлек бирәчәк барлык чараларны күрергә кирәклеген ассызыклады. Төп бурычларның берсе – эш урыннарын саклап калу. Рөстәм Миңнеханов хезмәткәрләр тулы булмаган эш белән тәэмин итү режимында яки гади режимда булган предприятиеләрне катгый контрольдә тотарга кушты. Бүген тулы булмаган эш белән тәэмин итү режимында яки гади рәвештә 5700 кеше эшли, һәм якын арада бу күрсәткеч артырга да мөмкин, диде Рөстәм Миңнеханов.

ТР Президенты ТР Хезмәт, халыкны эш белән тәэмин итү һәм социаль яклау министрлыгына хезмәт базарындагы хәлне контрольдә тотарга, баланс комиссияләрендә белгечләр тулы булмаган эш белән тәэмин ителгән яки гади предприятиеләрне карарга кушты.

Моннан тыш, ул формаль булмаган хезмәт базарын киметү буенча эшне көчәйтергә кушты.

Рөстәм Миңнеханов муниципалитетларга, салым органнары белән берлектә, җир салымына бәйле вәзгыятьне контрольдә тотарга кушты – 22 муниципаль районда узган ел белән чагыштырганда кимүгә юл куелган.

Ул шулай ук муниципаль милекне куллану мәсьәләсен дә күтәрде. Бүгенге көндә муниципаль милекне файдаланган өчен бурыч 486 млн. сум тәшкил итә.