Рөстәм Миңнеханов: Татарстан Республикасы берләштерелгән бюджетына 2022 елның 1 кварталында 93,2 млрд. сум кергән

2022 года елның 1 кварталында Татарстан Республикасы берләштерелгән бюджетына 93,2 млрд. сум акча кергән, шулардан үз керемнәре – 85 млрд сум.

Бүген бу хакта Татарстан Республикасы Президенты Рөстәм Миңнеханов Татарстан Республикасы финанс, казначылык һәм салым органнарының республика киңәшмәсендә хәбәр итте.

Киңәшмә 2022 года елның 1 кварталында Татарстан Республикасы берләштерелгән бюджеты үтәлеше йомгакларына һәм 2022 елда Татарстан Республикасы финанс, казначылык һәм салым органнарының бурычларына багышланды.  

Киңәшмәдә ТР Дәүләт Советы Рәисе Фәрит Мөхәммәтшин, ТР Премьер-министры Алексей Песошин, министрлыклар һәм ведомстволар вәкилләре катнашты. Чара барлык муниципаль районнар белән видеоконференцэлемтә режимында уза.

Рөстәм Миңнеханов белдергәнчә, керемнәр динамикасы уңай, әмма бу әле тынычландырырга тиеш түгел.

Икътисадка санкцияләр нәтиҗәсендә моңарчы күрелмәгәнчә басым ясала, продукция һәм комплектлау әйберләре белән тәэмин итүнең логистик чылбырларын үзгәртеп кору, импортны алыштыруны оештыру таләп ителә, диде Рөстәм Миңнеханов.

ТР Президенты тармак министрлыкларына атна саен бюджетка түләүләр кичерелә һәм киметелә торган предприятиеләр белән баланс комиссияләре үткәрергә, җитештерүчеләргә кооперация элемтәләрен корырга һәм ярдәм итү чараларын кулланырга, предприятиеләргә кирәк булган яңа чаралар буенча федераль дәрәҗәгә тәкъдимнәр әзерләргә кушты.

ТР Икътисад министрлыгына, ТР Финанс министрлыгы Салым хезмәте һәм тармак министрлыклары белән берлектә, бу эшне җайга салу бурычы куела.

Рөстәм Миңнеханов хәбәр иткәнчә, федераль исемлеккә Татарстанның 59 система барлыкка китерүче оешмасы кертелгән. Ул ассызыклаганча, бүген аларның өзлексез эшен тәэмин итү мөһим. Тармак министрлыкларына һәм муниципалитетларга, мөмкин булган куркынычларга карап, һәр предприятие белән эш планын эшләргә кирәк, диде Татарстан Республикасы Президенты, моннан тыш, агымдагы шартларда катгый финанс дисциплинасын тәэмин итәргә кирәк.

Илкүләм проектлар кысаларында куелган бурычлар шактый чыгымнар таләп итә. Быел бу максатларга 29,4 млрд. сум юнәлдереләчәк, шуларның 10 млрд. сумнан артыгы республика бюджетыннан.

Рөстәм Миңнеханов билгеләп үткәнчә, мөһим резерв – салым бурычлары белән эшләү. 1 квартал нәтиҗәләре буенча ул 10,4 млрд. сумнан артып киткән, узган елның 1 кварталы белән чагыштырганда 15%тан артык.

Иң зур үсеш Татарстан Республикасы Төзелеш, архитектура һәм ТКХ министрлыгы, Татарстан Республикасы Сәнәгать һәм сәүдә министрлыгы, Татарстан Республикасы Транспорт һәм юллар хуҗалыгы министрлыгы тарафыннан алып барыла. «Әлеге мәсьәләне аерым контрольдә тотуыгызны сорыйм», - диде Рөстәм Миңнеханов.

Утырышның көн тәртибе кысаларында республика салым органнарының 1 кварталдагы эш нәтиҗәләре һәм 2022 елга бурычлар турында Федераль салым хезмәтенең ТР буенча идарәсе җитәкчесе Марат Сафиуллин хәбәр итте.

ТР финанс министры Радик Гайзатуллин 2022 елның 1 кварталында ТР берләштерелгән бюджетын үтәү нәтиҗәләре һәм агымдагы ел азагына кадәр бурычлар турында сөйләде.