Роман Шәйхетдинов Югары Ослан муниципаль районы Советы утырышында катнашты

Бүген Татарстан Республикасы Премьер-министры урынбасары Роман Шәйхетдинов  Югары Ослан муниципаль районында булды, анда ул район Советының хисап утырышында катнашты.

Утырыш башланыр алдыннан Роман Шәйхетдинов район предприятиеләре һәм оешмалары казанышлары күргәзмәсен карады.

Югары Ослан муниципаль районы башлыгы Марат Зыятдинов үз чыгышында социаль-икътисадый үсешнең төп күрсәткечләрен, булган проблемаларны һәм перспективаларны билгеләде. Шулай итеп, «Таткрахмалпатока» предприятиесе автоматлаштырылган солодка җитештерүне төзи башлады, бу елына 6 мең тонна коры арпа солодын җитештерергә мөмкинлек бирәчәк. «Вельветте Марин» катерының яңа моделе ел саен үткәрелә торган «Татарстан Республикасының иң яхшы товарлары һәм хезмәт күрсәтүләре» конкурсы дипломанты булды. Июнь аенда районда «Ростсельмаш» авыл хуҗалыгы техникасының дилер үзәге ачылды, декабрь ахырында пластик тәрәзәләр җитештерү эшли башлады, якын арада яр буе сервис зонасын төзеп бетерәчәкләр, ә Урман Морквашында индустриаль парк булдырылачак.

Муниципаль берәмлек башлыгы 2021 елда 17 федераль һәм республика программаларында катнашуы турында хәбәр итте, шуның аркасында, мисал өчен, блок-модульле ФАП һәм амбулатория төзелдгән, өч поселок клубына капиталь ремонт ясалган, Югары Ослан гимназиясендә мебель һәм техника яңартылган, Түбән Ослан мәктәбендә яңа котельный урнаштырылган, тагын өч мәктәп яңа автобуслар алган, 16 торак пунктта урам утлары реконструкцияләнгән. 2022 елда район 19 федераль һәм республика программаларында катнашырга планлаштыра.

Татарстан Премьер-министры урынбасары, үз чиратында, районның икътисадый күрсәткечләрен яхшыртуга игътибар итте. 2021 елда тулай территориаль продукт 22,5 миллиард сум тәшкил иткән (2020 - 20,9), үсеш темпы 107,7% булган, сәнәгать производствосы төяп җибәрелгән продукция күләме 4,5 миллиард сумга җиткән (2020 – 2,8), үсеш темпы 160,7% булган. Кече һәм урта предприятиеләр әйләнеше арткан: 2020 елдагы 9,6 дан 2021 елда 9,7 гә кадәр. «Тулаем алганда, яңа тармаклар, кече һәм урта эшкуарлыкны үстерү мәсьәләсе район өчен актуаль булып кала бирә. Моңа инде эшләп килүче җитештерүләрне үстерү һәм яңа сәнәгать мәйданчыклары булдыру ярдәм итәчәк», - дип ассызыклады спикер.

Роман Шәйхетдинов билгеләп үткәнчә, Югары Ослан районының икътисадый үсеш флагманы – Иннополис. Иннополиста 5 меңнән артык эш урыны булдыручы 500гә якын компания эшли. 2021 елда барлык компанияләрнең кереме 40 млрд. сум тәшкил иткән, 4,4 млрд. сумнан артык салым һәм җыемнар төрле дәрәҗәдәге бюджетларга түләнгән. Тулаем алганда, 2021 елда Югары Ослан районы бюджетына 230 млн. сумлык салым кергән, шуларның 58%ын Иннополис керткән. Районның тулаем төбәк продуктының яртысыннан артыгы шулай ук Иннополиста урнашкан компанияләр хисабына формалаштырылган.

Соңыннан Татарстан Республикасы Премьер-министры урынбасары район җитәкчелегенә, предприятие җитәкчеләренә һәм Югары Ослан халкына көндәлек хезмәтләре өчен рәхмәт белдерде һәм бүләкләү тантанасында катнашты.