Татарстан Президенты «Алабуга-Skills» республика һөнәри осталык конкурсында җиңүчеләрне бүләкләде

Татарстан Республикасы Президенты Рөстәм Миңнеханов «Алабуга-Skills» ачык республика һөнәри осталык конкурсында җиңүчеләрне бүләкләде. Тантаналы чара бүген «Алабуга Политех» мәгариф үзәге мәйданчыгында узды.

«Алабуга-Skills» – эшче һөнәрләрне популярлаштыруга, үз һөнәрләрендә иң яхшыларны ачыклауга, шулай ук төрле белгечлекләрдә яңа буын осталарын укыту өчен ярдәм булдыруга юнәлдерелгән конкурс.

Конкурс Алабугада 2022 елның 7-11 февралендә узды. Барлыгы республиканың 22 районыннан 81 предприятиедән 220 гариза бирелгән. Конкурста барлыгы 178 кеше – 18 яшьтән алып предприятие һәм учреждение хезмәткәрләре катнашты.

Катнашучылар ярышкан компетенцияләр арасында - ЧПУ станокларында токарь эшләре, эретеп ябыштыру һәм фрезер эшләре, сәнәгать робот техникасы, сәнәгать автоматикасы, электромонтаж, лаборатор химия анализы, йөк автомобиле һәм пассажир автобусын йөртү, автомобильләрне ремонтлау һәм буяу.