Татарстанда 2 млн. 637 мең кв. метр торак тапшырылган, бу 2020 ел күрсәткечләреннән 4%ка алда бара.

Татарстан Республикасында социаль-мәдәни өлкә объектларын төзү буенча 17 республика программасын үтәү күләме 96%ка җиткән. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды.

Татарстан Республикасы Төзелеш министрлыгы башлыгы «Торак» һәм «Хатын-кызларны эш белән тәэмин итүгә ярдәм итү» федераль проектлары буенча төзелә торган 16 балалар бакчасының 15е әзер булуын хәбәр итте. Төзелгән объектларның 6сы файдалануга тапшыруга рөхсәт алган, тагын берсе – Дәүләт төзелеш күзәтчелеге инспекциясенең тәңгәллек бәяләмәсен алдган. Хәзерге вакытта Дәүләт төзелеш күзәтчелеге 8 объектны тикшерә. Соңгы төзелеп бетмәгән объектта барлык эшләрне 15 декабрьгә кадәр тәмамлау планлаштырыла. Эшләр күләме 91%ка үтәлгән.

«Торак» федераль проекты кысаларында 5 торак комплекста 7 объект төзелеше планлаштырылган, шуларның икесе эштә кала. Бу – Питрәч районының «Царево усадьбасы» торак комплексында чистарту корылмаларын һәм хуҗалык-көнкүреш канализациясен реконструкцияләү, анда эшләр 70%ка башкарылган. Шулай ук Казанның «Светлая долина» торак комплексында өске су агышын чистарту корылмаларын реконструкцияләү – биредә эшләр 96% тәшкил итә.

Өч торак йортта 5 объект буенча эшләр тәмамланган.

«Уңайлы шәһәр мохитен формалаштыру» федераль проекты буенча бер объектта (парк) эшләрне тәмамларга калган. Төзелеш-монтаж эшләре 93% тәшкил итә. Быел проектка барлыгы 49 объект кертелгән.

Җәмәмгать киңлекләрен яңарту өлешендә 8 объект төзекләндерелә – кече шәһәрләр һәм тарихи җирлекләр конкурсында җиңүчеләр. Бер объект төзелеп бетмәгән (эшләр 92%ка башкарылган).

Түбән Кама районының Прости авылында санкцияләнмәгән чүплекне рекультивацияләү буенча эшләр 99%ка башкарылган. Әлеге объект «Чиста ил» федераль проектының бер өлеше булып тора.

Марат Айзатуллин хәбәр иткәнчә, бу атнада подрядчылар «Иделне савыктыру» федераль проекты буенча Казан чистарту корылмаларын реконструкцияләүнең беренче этабы кысаларында эшләр күләмен тулысынча тәмамлаганнар. Чистарту корылмаларын реконструкцияләү проекты 2024 елга кадәр исәпләнгән.

Башка республика программалары кысаларында башкарылган эшләр турында сөйләгәндә, Татарстан Республикасы Төзелеш министрлыгы башлыгы, балаларны савыктыру лагерьларын төзү программасына кергән 6 объектның 3се тәмамланды, дип хәбәр итте. Гомумән алганда, программа буенча эшләр башкару 85% дип бәяләнә.

Бу атнада халыкка башлангыч медик-санитар ярдәм күрсәтүне камилләштерүгә юнәлдерелгән 2021 елга планлаштырылган барлык чаралар да төгәлләнгән. 3 фельдшер-акушерлык пункты (ФАП) һәм ике табиб амбулаториясе төзелгән. Агымдагы 2021 елда барлыгы 42 фельдшер-акушерлык пункты һәм 4 табиб амбулаториясе төзелгән.

Чистайда ябык футбол манежын төзү төгәлләнгән. Быел төзелгән барлык манежларны ачу тантанасы 20 декабрьгә планлаштыралар.

Марат Айзатуллин хәбәр иткәнчә, торак төзелеше 2020 ел күрсәткечләреннән 4%ка алда бара. 2 млн. 637 мең кв. метр торак тапшырылган. 2021 ел планы 99% ка диярлек үтәлгән.

Шәхси торак төзелеше буенча план күрсәткеченнән 51%ка артык: 12 мең 581 йорт төзелгән, план нигезендә 8330 йорт төзү каралган.

Коммерциячел төзелештә планның 63%ы үтәлгән – 791 мең кв. м мәйданлы 102 күп фатирлы торак йорт әзер.

Социаль ипотека программасы буенча еллык төзелеш планы 280 мең кв. м. яки 161 йорт тәшкил итә. Агымдагы датага 147 мең кв. м торак төзелгән, бу планлаштырылган күрсәткечләрнең 52%ын тәшкил итә.

Министр гражданнарның аерым категорияләрен торак белән тәэмин итү буенча чараларны гамәлгә ашыру турында мәгълүмат бирде. Барлыгы 4 программага 739 гаилә кертелгән. Шуларның иң күп санлысы – ятим балалар (636 алучы). Барлык 636 торак бина Дәүләт торак фонды (ТР ДТФ) белән контрактлар төзү этабын узган. Шул ук вакытта аларның 422сенә республика милке хокукы рәсмиләштерелгән; аларны урнаштыру бара икән. 6 торак бинага ТР ДТФ милке хокукы теркәлгән; кабул итү-тапшыру актлары ТР Җир һәм мөлкәт мөнәсәбәтләре министрлыгына җибәрелгән. Тагын 23 бина ТР ДТФ милке хокукын теркәү этабында. ТР Җир һәм мөлкәт мөнәсәбәтләре министрлыгында дәүләт хезмәткәрләрен аттестацияләү буенча комиссия утырышы булган. Моннан тыш, төзелеп килүче 1-7 нче номерлы «Салават күпере» йортында 97 бина тапшырылырга тиеш.

"Биш һәм аннан да күбрәк бала тәрбияләүче күп балалы гаиләләр" категориясе быел 47 кеше тәкъдим ителгән. Программа тулысынча үтәлгән: барлык сертификатлар да тормышка ашырылган, гаиләләр торак белән әэмин ителгән.

"Мәҗбүри күченүчеләр, чернобыльчеләр һәм Ерак Төньяктан күченүчеләр" категориясе вәкилләренә бирелгән 7 сертификатның 4се тормышка ашырылган.

Республикада 2022 ел программаларын формалаштыру дәвам итә. ТР Төзелеш, архитектура һәм торак-коммуналь хуҗалык министрлыгы, тармак министрлыклары һәм ведомстволары белән берлектә, объектлар исемлеген раслау, алга таба торгларны үткәрү һәм эшләрне вакытында башлау өчен, ТР Министрлар Кабинеты боерыклары проектларын әзерләү эше дәвам итә.

Хезмәтне саклау һәм төзелә торган объектларны тикшерү нәтиҗәләренә килгәндә, Дәүләт төзелеш күзәтчелеге ел башыннан 1710 тикшерү үткәргән. Алар нәтиҗәләре буенча чыгарылган 100 карар суммасы 5 млн. 618 мең сум тәшкил итә.

Үзлегеннән җайга салынучы оешмалар үз ресурслары хисабына 1963 тикшерү үткәргән.

Баш инвестицион-төзелеш идарәсе, дәүләт объектларына заказ бирүче буларак, үз мәйданнарында 597 контроль-күзәтчелек чарасы оештырган.

Ачыкланган барлык җитешсезлекләр диярлек оператив рәвештә бетерелә: гыйнвар-декабрь айларында төзелеш мәйданнарында ачыкланган бозуларның 1045 се бетерелгән.