Роман Шәйхетдинов Югары Ослан халкын районның 90 еллыгы белән котлады

ТР Премьер-министры урынбасары Роман Шәйхетдинов Югары Ослан муниципаль районының 90 еллыгына багышланган тантаналы чараларда катнашты.

Роман Шәйхетдинов үзенең чыгышында билгеләгәнчә, узган ун ел Югары Ослан районы өчен формалашу, эзләнү һәм үсеш чоры була, районга бу Татарстан Республикасы районнары арасында лаеклы урынны биләргә мөмкинлек бирә.

“Район тарихындагы соңгы ун елны башлангыч үсеш еллары дип әйтергә мөмкин. Бу чорның мөһим вакыйгалары дип тулы хокуклы булып Казан агломерациясенә керүне, иң яшь һәм югары технологияле Иннополис шәһәре һәм М-12 автомагистрале  төзелүне атарга була, дип билгеләде Роман Шәйхетдинов. - Шуларга өстәп мәдәният, мәгариф, сәламәтлек саклау өлкәсендәге уңышларны һәм авыл хуҗалыгындагы уңай үзгәрешләрне дә күрсәтергә мөмкин. Әмма Югары Ослан җирлегенең төп горурлыгы – анда яшәүче хезмәт сөючән һәм уңышка ирешүне максат итеп куйган кешеләре. Үзләренең кече ватаннары тормышында актив катнашулары аркасында Югары Ослан районы ТР муниципаль районнарының социаль-икътисади үсеш рейтингында алдынгы урынны алып тора!”.

Тантаналы чаралар кысаларында Роман Шәйхетдинов шулай ук казанышлар күргәзмәсен карады һәм Югары Ослан районы алдынгыларына бүләкләр тапшыруда катнашты.