Рөстәм Миңнеханов: муниципалитетлар – халык белән эшләгәндәдә безнең таянычыбыз

Бүген, Татарстан Республикасы Конституциясе көнендә, ТР Дәүләт Советы бинасы каршындагы мәйданда муниципаль берәмлекләр арасында республика смотр-конкурсында җиңүчеләр бүләкләнде. Тантанада Татарстан Республикасы Президенты Рөстәм Миңнеханов катнашты.

Муниципаль берәмлекләр 100 яңа автомобиль алды: 93 юлсыз йөрдә йөрү өчен автмобиль һәм 7 микроавтобус.

«Без һәрвакыт безнең муниципаль җирлекләргә ярдәм итеп киләбез, бу инде күркәм традиция. Соңгы елларда без 2,5 меңнән артык автомобиль тапшырдык. Минемчә, муниципалитетлар – безнең таянычыбыз. Без сезнең белән тыгыз элемтәдә торабыз. Сез барлык чакыруларга мобиль һәм оператив рәвештә реакция белдерергә тиеш. Минем сезгә авыр хезмәтегез өчен рәхмәт белдерәсем килә", - диде Рөстәм Миңнеханов.

Исегезгә төшерәбез, Татарстан Республикасы муниципаль берәмлекләре арасында республика смотр-конкурсы 2010 елдан башлап ел саен үткәрелә. Конкурс Татарстан Республикасы муниципаль берәмлекләре эшчәнлегенең нәтиҗәлелеген арттыру һәм республиканың авыл һәм шәһәр җирлекләрендә халыкның тормыш сыйфатын яхшырту максатларында үткәрелә.