Рөстәм Миңнеханов Үзбәкстан Республикасы Президенты вазыйфасына сайлауларда җиңү уңаеннан Шәүкәт Мирзиеев адресына котлау юллады

Бүген Татарстан Республикасы Президенты Рөстәм Миңнеханов Үзбәкстан Республикасы Президенты вазыйфасына сайлауларда җиңүе уңаеннан Шәүкәт Мирзиеев адресына котлау телеграммасы җибәрде.

"Үзбәкстан Республикасы Президентын сайлауда җиңүегез уңаеннан иң җылы котлауларны кабул итегез, - диелә котлау текстында. - Сезнең яңа вакытка сайлавыгыз Үзбәкстан гражданнары тарафыннан Сезгә, дәүләтнең көчле, тәҗрибәле башлыгы буларак, ышанычыгыз югары дәрәҗәдә булуының бәхәссез дәлиле булып тора".

Рөстәм Миңнеханов шулай ук Татарстан белән Үзбәкстан арасындагы хезмәттәшлекнең Россия һәм Үзбәкстан мөнәсәбәтләрен ныгытуга юнәлдерелгән мөһимлегенә игътибар итте.

«Күңелле мөмкинлектән файдаланып, Татарстан белән Үзбәкстан арасындагы хезмәттәшлекнең югары дәрәҗәдә булуын, һичшиксез, зур потенциалга ия булуын бик теләп билгеләп үтәм. Безнең хезмәттәшлекне Россия һәм Үзбәкстан халыкларының стратегик мәнфәгатьләрендә Татарстан-Үзбәкстан хезмәттәшлегендә яңа мөмкинлекләрне гамәлгә ашыру юнәлешендә дәвам итәр дип өметләнәм", - диелә Рөстәм Миңнеханов исеменнән котлау телеграммасында.