Рөстәм Миңнеханов "ОДК-Уфа моторлар төзү җитештерү берләшмәсе" ГАҖ базасында җитештерү-белем бирү үзәге эше белән танышты

Бүген Татарстан Республикасы Президенты Рөстәм Миңнеханов Башкортостан Республикасына эш сәфәре кысаларында «ОДК-Уфа моторлар төзү җитештерү берләшмәсе» ҖАҖдә (Ростехның берләштерелгән двигательләр төзү корпорациясенә керә) булды.

Рөстәм Миңнехановны Башкортостан Республикасы башлыгы Радий Хәбиров озата йөрде.

Биредә ул «ОДК-Уфа моторлар төзү җитештерү берләшмәсе» ҖАҖ базасында җитештерү-белем бирү үзәге эше белән танышты. Үзәк эшенең төп максаты - «ОДК-УМПО» ГАҖ һәм Башкортостандагы Ростех дәүләт корпорациясенең башка предприятиеләре өчен иң кирәкле эшче һөнәрләрнең мультискиллс белгечләрен әзерләү.

Үзәк 220 берәмлектән артык заманча җиһаз белән җиһазландырылган, бу реаль циклда кулланыла торган авиация двигательләрен җитештерү. Шул исәптән, ЧПУ белән эре габаритлы станоклар.

Рөстәм Миңнехановка сөйләгәнчә, биредә иң заманча техника урнаштырылган. Станоклар арасында Стәрлетамак шеһереннен «Стан» компаниясенең цифрлы программа идаресе булган фрезер эшкерту узекләре бар. 

Яңа җиһазлар җитештерү процессында да, авиация тармагы предприятиеләренең яшь белгечләре өчен заманча металл эшкәртү станоклары белән эшләү буенча укыту программаларында да файдаланылачак.

Рөстәм Миңнехановка уку остаханәләрен күрсәттеләр. Үзәктә укыту «Металл кисү белән эшкәртү» һәм «Мехатроника» юнәлешләре буенча алып барыла.

Шуны искәртик: җитештерү-укыту үзәге авиатөзелеш өчен күп профильле белгечләр әзерләү өчен булдырылган. Белем бирү программасында заманча компетенцияләргә һәм гамәли күнекмәләргә басым ясалды. Шулай ук биредә остазлык системасы да үсеш алган.

Үзәкне карап чыкканнан соң Рөстәм Миңнеханов хәбәр иткәнчә, Татарстан соңгы елларда ресурс үзәкләрен булдыру буенча күп эш башкара. «Без бу юнәлешкә күп игътибар бирәбез, - диде ул. - Техникум базасында, һөнәри техник училищелар базасында ресурс үзәкләре булдыру. Әмма биредә производство-белем бирү үзәге зур сәнәгать берләшмәсе базасында оештырылган. Без дөньяда күп йөрибез һәм мондый үзәкләрне карыйбыз. Һәм монда – дөнья дәрәҗәсендәге үзәк. Әгәр ниңер эшлисең икән, менә шулай эшләргә кирәк! Иң мөһиме, бу предприятиенең кадрлар һәм аларның һөнәри дәрәҗәсе белән беркайчан да проблемалары булмаячак. Мин бик тә тәэсирләндердем. Чакыруыгыз, монда булуыбыз өчен бик рәхмәтлемен".

Рөстәм Миңнеханов шулай ук хәбәр иткәнчә, Татарстанның мондый проектны гамәлгә ашыру планы бар. "Безнең вертолет заводы, "КАМАЗ" авиация заводы бар, һәм бу кадрлар әзерләү тәҗрибәсе бик уңай", – диде ТР Президенты.

Башкортстан Республикасы башлыгы Радий Хәбиров, үз чиратында, регион Ростех ДК белән актив эшли, дип белдерде. "Сез беләсезме, бездә даими эшләп килүче ведомствоара эшче төркем кебек корал да бар, - диде ул, массакүләм мәгълүмат чаралары вәкилләренең сорауларына җавап биреп. - Кварталга бер тапкыр җыелырга килештек. Биредә урнашкан предприятиеләр белән-Ростехның төп предприятиесе, комплектлаучылар, тәэмин итүчеләр, дәүләт органнары белән хезмәттәшлек итү буенча барлык мәсьәләләрне дә хәл итәбез. Бу тәҗрибә уңышлы килеп чыкты. Һәм без шундый ук структуралар-эшче төркемнәр - безнең республикада эшләүче башка эре уенчылар белән дә булдырдык".

Рөстәм Миңнехановны эш сәфәрендә Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, Татарстан Республикасы Президенты ярдәмчесе Равил Зарипов, Татарстан Республикасының Башкортостан Республикасындагы даими вәкиле Йосыф Якубов һәм башкалар озата йөри.

Моннан тыш, Рөстәм Миңнеханов производство-белем бирү үзәге территориясендә истәлекә чыршы утыртты.