ТР Төзелеш министрлыгы: Капиталь ремонт бөтендөнья республика программалары 87%ка үтәлгән

Социаль-мәдәни өлкә объектларын, инженерлык инфраструктурасын һәм күп фатирлы йортларны капиталь ремонтлау республика программаларын гамәлгә ашыру кысаларында эшләр 87%ка башкарылган. Быел Татарстанда 27 программа гамәлгә ашырыла. Аларга якынча 3,5 мең объект керә, үзләштерү күләме 23 млрд. сумнан артык. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министры Марат Айзатуллин хәбәр итте.

Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Чарада шулай ук Татарстан Республикасы Премьер-министры Алексей Песошин да катнашты.

Бүгенге көндә 8 программаны гамәлгә ашыру тәмамланган – бу 1,5 млрд. сумга 285 объект. Мәгариф өлкәсендә өч программа гамәлгә ашырыла – 413 объект. Тулаем алганда, алар буенча эшләр күләме 99,4%ка үтәлгән. Мәгариф учреждениеләренә капиталь ремонт программасы буенча 10 коррекцион һәм 33 муниципаль мәктәптә, 116 функциональ зонада һәм 4 учреждениедә ремонт эшләре тәмамланган. 49 балалар бакчасының 9ын төзекләндерү эшләрен тәмамларга кала. Үтәлеш 99,8% тәшкил итә.

Мәктәпләрдә кайнар туклануны оештыру программасы буенча эшләр тәмамланган: 196 азык-төлек блогы яңартылган.

Ресурс үзәкләренә капиталь ремонт программасы буенча 98%ка башкарылган. 2 объект эшләнә, 3се тәмамланган.

Медицина стационарларын капиталь ремонтлау программасы буенча 5 объект тәмамланган, 13ендә эш дәвам итә.

Эчке эшләр министрлыгы карамагындагы биналарны капиталь ремонтлау программасына кертелгән 9 объект ремонтланырга тиеш. Аның буенча эшләр 63%ка башкарылган.

Алты объект балалар савыктыру лагерьларын ремонтлау программасына керә. Ике объектта эшләр тәмамланган, 4сендә эшләр дәвам итә. Төзелеш-монтаж эшләре 87%ка башкарылган.

Яшүсмерләр клубларын капиталь ремонтлау программасы паспортында каралган 9 объектның 3сен тәмамларга калган. Төзелеш-монтаж эшләре 75%ка башкарылган.

Спорт объектларын капиталь ремонтлау программасы буенча 18 объектның 7се эштә кала. Эшләр күләме 92%ка ябылган.

Милли гвардия гаскәрләренең федераль хезмәте идарәсе объектларын капиталь ремонтлау программасы буенча бер объектта эшләрне тәмамларга калган. Биредә эшләр 88%ка башкарылган. 10 объект файдалануга тапшырылган.

Мәдәният тармагының белем бирү учреждениеләрен капиталь ремонтлау программасы буенча 6 объектның 2се тәмамланган.

Стационар социаль хезмәт күрсәтү оешмаларын капиталь ремонтлау программасы буенча эштә 26 объектның 3се кала. Төзелеш – 98%.

"Чистарту корылмаларын модернизацияләү һәм канализация челтәрләрен капиталь ремонтлау" программасы буенча 8 объектның 3се тәмамланган. Бишесе эштә. Төзелеш-монтаж эшләре 79% тәшкил итә.

12 муниципаль районда «Газ бүлү челтәрләрен реконструкцияләү, төзү, блок-модуль котельныйларын һәм тышкы урнаштыру казаннарын урнаштыру» программасын гамәлгә ашыру дәвам итә. Гомумән алганда, программа буенча төзү-монтаж эшләре 89%ка башкарылган. Бөгелмә районында эшләр тәмамланган.

«Су белән тәэмин итү һәм каты көнкүреш калдыклары мәйданчыкларын урнаштыру» программасы буенча бакчачылык ширкәтләрендә 61 скважина торгызыла һәм калдыкларны җыю өчен 30 мәйданчык төзелә. Программа кысаларында эшләр 82%ка һәм 98%ка башкарылган.

«Халыкны эчәр сулар белән тәэмин итү» программасы буенча башкарылган төзелеш-монтаж эшләре күләме 85% тәшкил итә. Бүгенге көндә 21 районда эшләр тәмамланган. Тагын 24 район программа чараларын гамәлгә ашыруны дәвам итә.

«Урам утларын торгызу» программасы буенча эшләр тәмамланып килә. План 99%ка үтәлгән. Казан шәһәре буенча эшләрне тәмамларга кала .

«Бюджет учреждениеләре котельныйларында казаннарны алмаштыру" программасы кысаларында төзү-монтаж эшләре 99,5% тәшкил итә. 44 объектның 4се эштә кала.

Күп фатирлы йортларны капиталь ремонтлау программасы 1035 торак объектны үз эченә ала. Быел программаны финанслау күләме – 7 млрд. сум. Дәүләт торак фонды ДМС мәгълүматларына караганда, капиталь ремонт буенча 5 млрд.948 млн. сумлык эшләр башкарылган, бу 85% тәшкил итә. Агымдагы елда 739 күп фатирлы йортларда 4,5 млрд. сумлык сезонлы эшләр башкару каралган – бу түбәләрне, фасадларны, җылылык белән тәэмин итү системаларын ремонтлау. Бүгенге көндә сезонлы эшләр 4 млрд. сумга башкарылган, бу 89% тәшкил итә. Сезонлы эшләрне тәмамлау вакыты – 30 сентябрь.

Министр шулай ук 2021-2022 еллар җылы бирү чорына әзерлек турында да сөйләде. Бүгенге көндә 3 мең 261 котельный әзер. 2 муниципаль берәмлектә 6 котельныйны әзерлисе бар. 17 мең 186 күп фатирлы йортның әзерлек паспортлары рәсмиләштерелгән, бу 98% тәшкил итә.

Җылыту сезоны урамда тәүлеклеклек һава температурасы Цельсий буенча 8 градустан түбәнрәк булган көннән соң алтынчы көнендә башланырга тиеш.

Быел җылы бирү 6 сентябрьдә башланган. Бүгенге көндә 22 муниципаль районда җылы бирү чорын башлау турында карар кабул ителгән. 667 котельный эшли башлаган, бу 20% тәшкил итә. 1 мең 763 күп фатирлы йорт (10%), 737 мәгариф объекты (22%), 388 сәламәтлек саклау объекты (19%), 308 мәдәният объекты (15%), 37 спорт объекты (15%) һәм 35 социаль яклау объекты (20%) җылытыла.

Рөстәм Миңнеханов муниципалитетлар башлыкларына, энергетика һәм торак-коммуналь хуҗалык предприятиеләре җитәкчеләренә тиз арада җылылык бирүне тәэмин итәргә кушты. «Балалар бакчалары, хастаханәләр, социаль учреждениеләр, шулай ук торак йортлар. Бу эштә бернинди җитешсезлекләр булырга тиеш түгел", - дип ассызыклады ТР Президенты.