ТР Төзелеш министрлыгы: Татарстанда 1 млн. 728 мең квадрат метр торак төзелгән, бу еллык планның 65%ы

Ел башыннан Дәүләт төзелеш күзәтчелеге инспекциясе 1 мең 90 тикшерү үткәргән. Барлыгы 5 млн. 27 мең сумлык 87 карар чыгарылган. Үзлегеннән җайга салынучы оешма тарафыннан 1 мең 234 тикшерү уздырылган. Дәүләт программалары буенча төзелә торган объектларда контроль-күзәтчелек чараларын үткәрү өчен җаваплы ТР Баш инвестицион-төзелеш 543 тапкыр тикшерү белән чыккан. Тулаем алганда, ачыкланган 855 хокук бозу очрагының 846сы бетерелгән. Бүген бу хакта Татарстан Республикасы Хөкүмәте Йортында узган республика киңәшмәсендә Татарстан Республикасы төзелеш, архитектура һәм ТКХ министрының беренче урынбасары Алексей Фролов хәбәр итте.

Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Чарада шулай ук Татарстан Республикасы Премьер-министры Алексей Песошин да катнашты.

Мәгариф.

Тулаем алганда, өч программага 415 объект кертелгән, шуларның 227се инде тәмамланган. Башкарылган эшләр күләме 92%ка бәяләнә.

Иң масштаблысы – мәгариф учреждениеләрен ремонтлау программасы. Бүгенге көндә 32 гомуми белем бирү мәктәбенең 22се тәмамланган. Подрядчыларның эшендә 10 объект кала. Үтәлеш 97% тәшкил итә. 10 объектның биштән дүртесендә –  Чаллыда һәм берсе Казанда коррекцион мәктәпләрне капиталь ремонтлау буенча эшләр бара. Төзелеш эшләре 94%ка башкарылган. Түбән Кама районында Сухарево урта мәктәбен реконструкцияләү буенча подрядчы тарафыннан 94% - ка эшләр башкарылган.

Мәгариф объектларында уңайлы мохит булдыру буенча эшләр кысаларында Саба районында 4 балалар бакчасының соңгы объекты тәмамлана. ТМР 96%ка үтәлгән. Ике балалар бакчасы һәм бер мәктәп тәмамланган

Өченче ел мәгариф учреждениеләрендә функциональ зоналарны ремонтлау эшләре алып барыла. Быел алар 116. Монда иң югары үтәлеш дәрәҗәсе 99%тан артык.

Балалар бакчаларын ремонтлау буенча эшләр 96% тәшкил итә. 49 объектның 19ы эштә кала.

Әлеге тармак блогына мәктәпләрдә кайнар ризык белән тәэмин итүне оештыру программасы да керә, быел аны тормышка ашыру эшенә беренче тапкыр керешкәннәр. Программага 198 объект кертелгән, шулардан 51 объект тапшырылган. Программаны үтәүнең уртача күрсәткече 95%.

Ресурс үзәкләренә капиталь ремонт программасы буенча эшләр 84,5%ка үтәлгән. 5 объектның берсе генә тәмамланган.

Мәгариф өлкәсендә төзелеш объектлары буенча хәл түбәндәгечә. 1 сентябрьгә илкүләм проектлар кысаларында 2 мәктәп тапшырылачак:  «Торак» федераль проектына керүче «Арт Сити» торак комплексында 1501 урынлык. Шушы көннәрдә файдалануга тапшыруга рөхсәт алу планлаштырыла. «Заманча мәктәп» федераль проектына кергән «Салават Күпере» торак комплексында 1224 урынлык мәктәп. Хәзерге вакытта мәктәптә Татарстан Республикасының Дәүләт төзелеш күзәтү инспекциясе тарафыннан йомгаклау тикшерүе үткәрелә.

«Торак» һәм «Хатын-кызлар мәшгульлегенә ярдәм» федераль проектлары буенча - республикада 16 мәктәпкәчә белем бирү учреждениесе төзелә. Шуларның 15е подрядчыларда. Эшләрнең гомуми үтәлеше 80%ка якынлашкан.

Җәмәгать киңлекләре.

«Уңайлы шәһәр мохитен формалаштыру» федераль проекты кысаларында быел 49 объект төзекләндерелә.

Шулай ук кече шәһәрләр конкурсында җиңүчеләрдән 8 җәмәгать киңлеген яңарту эше алып барыла. Ике юнәлеш буенча ТМР 60%ка үтәлгән.

Экология.

«Иделне савыктыру» федераль проекты буенча Казанның чистарту корылмаларын реконструкцияләүнең беренче этабы бара. Биредә эшләрнең 26%ы башкарылган.

Планлаштырылган эш күләменең 2%тан артыгы подрядчыларга Кощаково авылында биологик чистарту корылмалары төзелешендә калды.

Түбән Кама районының Прости авылында «Чиста ил» федераль проектына кергән санкцияләнмәгән чүплек 95%ка рекультивацияләнгән. Объектта эшләр 95%ка башкарылган.

«Чиста су» проекты буенча Зеленодольск районының Васильево бистәсендә су әзерләү станциясе төзелә. Объектта эшләр 60%ка башкарылган.

«Торак» федераль проекты буенча быел «Светлая долина» торак комплексында чистарту корылмалары реконструкцияләнә һәм «Җәй» торак комплексында су белән тәэмин итү челтәрләре төзелә.

Сәламәтлек саклау.

Чистай РҮХнең яңа бинасын төзүдә, стационарларны төзү һәм капиталь ремонтлау республика программасы буенча, подрядчылар планлы эш күләменең 98%ын үзләштергәннәр.

Беренчел звенода сәламәтлек саклау объектларын төзү дәвам итә. Бу – 42 фельдшер-акушерлык пункты (төзелеш-монтаж эшләре 57%), Питрәч районында гомуми практика табибы офисы (20%) һәм 4 табиб амбулаториясе (46%).

Спорт.

Республика программасы буенча быел 15 объект төзелә. Аларның 4се генә эштә кала – ябык футбол манежлары (Әлмәт, Бөгелмә, Зәй, Чистай), аларда эшләр тулаем 78%ка үтәлгән.

9 универсаль спорт мәйданчыгы һәм 2 чаңгы базасы файдалануга тапшырылган.

Җирлекләрнең башкарма комитетлары (Советлары) биналары (урыннары) төзелеше буенча республика программасы 98%ка үтәлгән. Аңа кертелгән 13 объектның 8е файдалануга тапшырылган.

Балаларны савыктыру лагерьларын төзү программасына 6 объект керә. Берсендә эшләр тәмамланган. Тормышка ашырылган программа чаралары күләме – планның 37%ы.

Халыкка комплекслы хезмәт күрсәтүнең блок-модуль пунктларын төзү программасына кергән 16 объектның икесе файдалануга тапшырылган,14ендә эшләр бара. Аларда төзелеш-монтаж эшләре 64%ка башкарылган.

Алексей Фролов торак төзелеше турында аерым сөйләде. Бүген республика узган елгы темплардан бераз алда бара – 2020 елга карата 101,5%. Абсолют саннарда бу 1 млн 728 мең 600 квадрат метр, ягъни еллык планның 65%ы дигән сүз. 81 күп фатирлы йорт тапшырылган, гомуми мәйданы 590 мең кв.м. бу планның 47%ын тәшкил итә. 83 коммерцияле күп фатирлы йорт төзелеше дәвам итә.

2021 елда социаль ипотека программасы буенча 161 йорт төзү каралган. Агымдагы датага 107,5 мең кв. метр мәйданлы 92 күп фатирлы йорт төзелгән, бу планның 38%ын тәшкил итә. Тагын 38 йорт якын арада тапшырылырга тиеш.

ИНЖС линиясе буенча план үтәлешенең иң югары проценты – 92%. 7 мең 639 йорт төзелгән.

Аерым категория гражданнарны торак белән тәэмин итү программаларын гамәлгә ашыру кысаларында 741 гаилә торак шартларын яхшырту планлаштырыла. Яшь гаиләләрне торак белән тәэмин итү программасы – ә бу 49 торак алучы – тәмамланган.

2021 елда 636 ятим бала үз торакларын алырга тиеш. Дәүләт торак фонды белән 17 муниципаль берәмлектә 211 торак бинага контракт төзелгән. Өч муниципаль берәмлектә тагын 178 бина ведомство белән контракт төзү стадиясендә тора. Ниһаять, 247 торак бина килештерү стадиясендә.

«Биш һәм аннан да күбрәк бала тәрбияләүче күп балалы гаиләләр»  категориясенә кертелгән 47 торак алучының 27се үз сертификатларын реализацияләгән.

«Мәҗбүри күченүчеләр, чернобыльчеләр һәм Ерак Төньяктан күченүчеләр» категориясе вәкилләренә сигез торак сертификаты бирелергә тиеш.