Рөстәм Миңнеханов «Үзавтосәнәгать» АҖ Идарәсе рәисе Шәүкәт Үмүрзаков белән киләчәк хезмәттәшлекне мәсьәләләре турында фикер алышты

Бүген Татарстан Республикасы Президенты Рөстәм Миңнеханов «Үзавтосәнәгать» АҖ идарәсе рәисе Шәүкәт Умурзаков белән очрашты. Очрашу Рөстәм Миңнехановның ТР Хөкүмәте Йортындагы эш кабинетында узды.

Кайбер юнәлешләр буенча, шул исәптән автомобильләр җитештерү өлкәсендә дә, мөнәсәбәтләрне үстерү мәсьәләләре каралды. Исегезгә төшерәбез, «КАМАЗ» ГАҖ һәм «Үзавтосәнәгать» АҖ Үзбәкстан Республикасы территориясендә йөк автотранспорт чаралары җитештерү буенча уртак проектларны гамәлгә ашыра.

Очрашуда «КАМАЗ» ГАҖ (Ростех дәүләт корпорациясенә керә) генераль директоры Сергей Когогин да катнашты.