Рөстәм Миңнеханов Ташкентта TEXNOPARKта булды

Татарстан Республикасы Президенты Рөстәм Миңнеханов Үзбәкстанга эш сәфәре кысаларында башкаланың «TEXNOPARK» технопаркы эшчәнлеге белән танышты.

«TEXNOPARK» ҖЧҖ югары технологияле, конкуренциягә сәләтле, экспортка юнәлдерелгән һәм импортны алыштыручы җитештерүләр булдыру бурычларын гамәлгә ашыруга юнәлдерелгән сәнәгать предприятиеләре төркеме булып тора. Хәзерге вакытта «TEXNOPARK» ҖЧҖдә 5 меңнән артык хезмәткәр эшли.