Михаил Мишустин һәм Рөстәм Миңнеханов «КАМАЗ» ГАҖ заводлары комплексын карадылар

Россия Федерациясе Хөкүмәте Рәисе Михаил Мишустин Татарстан Республикасы Президенты Рөстәм Миңнеханов белән бергә «КАМАЗ» ГАҖнең җитештерү предприятиеләрендә булды. Чарада шулай ук Россия Федерациясе Президентының Идел буе федераль округындагы Тулы вәкаләтле вәкиле Игорь Комаров һәм «Ростех» дәүләт корпорациясе генераль директоры Сергей Чемезов да катнашты.

Визит программасының беренче пункты двигательләр заводы иде. Хәзерге вакытта заводның куәте ел саен 60 мең V8 һәм 12 мең Р6 двигательләрен чыгарырга мөмкинлек бирә. Михаил Мишустин технологик линияне карады, чыгарыла торган двигательләр үрнәкләре һәм конструкторларның яңа эшләнмәләре белән танышты, шулай ук агрегатларның берсен җыюда үзе дә катнашты.

Премьер-министрга “КАМАЗ”конструкторлык хезмәтләре тарафыннан эшләнгән Р6 двигательен күрсәттеләр. Бүгенге көндә бу Россиядә алдынгы чит ил эшләнмәләре белән көндәшлек итәргә әзер булган иң заманча дизель двигателе. Әлеге мотор белән К5 гаиләсенең авыр автомобильләре җиһазланган. Җыю процессы системасы, контрольдә тотыла, ул хезмәткәрнең дөрес гамәлләре булмаган очракта, тасмага двигательне алга таба җыю өчен күчерергә рөхсәт бирми, шул рәвешле продукциянең чыгу ихтималы да юк.

Михаил Мишустин производствоны автоматлаштыру дәрәҗәсен, заводның яшь коллективының һөнәри осталыгын һәм «КАМАЗ»ның экспорт потенциалын югары бәяләде. Шулай ук Хөкүмәт башлыгы предприятиенең экологик яктан чиста булуын да билгеләп үтте. Биредә барлык кирәкле нормативлар да үтәлгән. Бик шәп, бу барысы да тиешенчә сертификацияләнгән. Бу безгә экспортны киңәйтергә һәм арттырырга мөмкинлек бирә. Тиешле технологик партнерларның үзара алышынучанлыгының барлык стандартлары да үтәлгән, шуңа күрә «КАМАЗ» бу җәһәттән куәтле дөнья гиганты һәм илебез йөк автомобиль транспорты флагманы", - дип ассызыклады ул.

Аннары Хөкүмәт Рәисе инновацион пассажир электротранспортының яңа моделен – аеруча зур класслы түбән идәнле электробусны карады. "КАМАЗ-6292" электробусы, 2018 елдан бирле Мәскәүгә китерелә торган КАМАЗ-6282 электробусын эксплуатацияләү тәҗрибәсен исәпкә алып, проектланган һәм барлык заманча таләпләргә җавап бирә. «КАМАЗ» электробусларын серияле җитештерү 2022 елдан башлана.

Михаил Мишустин һәм Рөстәм Миңнеханов яңа электробусның уңайлылыгын шәхсән бәяләделәр, анда киләсе объектка – кабина каркаслары заводының яңа заводына барып җиттеләр. Әлеге производство 2019 елда эшләтеп җибәрелде. Предприятиенең куәте елына 55 мең каркас тәшкил итә.

РФ Хөкүмәте башлыгы, Татарстан Президенты белән бергә, өч цехтан торган җитештерү мәйданчыгын карады. Кунакларга хәбәр ителгәнчә, предприятиедә барлык процесслар автоматлаштырылган. 100дән артык робот һәм роботлаштырылган станция Mercedes-Benz һәм «КАМАЗ» йөк машиналары өчен кабиналар каркаслары җитештерә. Локальләштерү дәрәҗәсе уртача 72% тәшкил итә. «КАМАЗ» ГАҖ генераль директоры Сергей Когогин билгеләп үткәнчә, киләсе елда локальләштерүне 100%ка кадәр җиткерү планлаштырыла. Шулай ук заводта локализацияләнгән детальләрдән эретеп ябыштырылган әзер төеннәрне экспортлау белән бәйле проект гамәлгә ашырыла.

Аннары Михаил Мишустин автомобиль заводына юнәлде, анда ул төп җыю конвейерлары эше белән танышты. Конвейерларның озынлыгы 700 метрга җитә, бер үк вакытта 54 автомобиль җыела. Бер машина җыюга 3,5 сәгать китә. Яңа йөк машинасы һәр 5-6 минут саен җыю конвейерларыннан төшә. Заводта 5,5 мең кеше эшли. Шулай ук производствода процесслар белән идарә итүнең цифрлы технологияләре актив кертелә.

Шуннан соң РФ Хөкүмәте башлыгы «КАМАЗ» фәнни-техник үзәгендә булды. Үзәк базасында автомобильләрнең, двигательләрнең, махсус техника һәм аларның төеннәренең яңа модельләре эшләнә. Эш стендларында һәм ФТҮ лабораторияләрендә техниканың төрле үрнәкләренә төрле сынаулар ясала. Махсуслаштырылган полигоннарда авыр автомобильләрнең гаилә үрнәкләрен сынап карау, тәҗрибә-сәнәгать партияләренең эксплуатацион сынаулары бара.

ФТҮ тәҗрибә-сәнәгать җитештерү мәйданчыгында Михаил Мишустин яңа «КАМАЗ» техникасы үрнәкләрен карады, аерым алганда, карьер үзбушаткычын, метан двигателе булган автомобильне, электр двигательләре булган йөк машиналарын да карады. Аннары Премьер-министр сынау полигоны каршылыклары полосасында авыр йөк машиналары вәкилләренең мөмкинлекләрен бәяләде.