«Безнең ишегалды» республика программасы буенча эшләр бүгенгә 34 муниципаль берәмлектәге 329 ишегалдында алып барыла

«Безнең ишегалды» республика программасы кураторы Венера Камалова бүген республика киңәшмәсендә эшләренең барышы турында сөйләде.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.

Шулай итеп, кайбер муниципаль районнар 2020 елгы эшләрне тәмамлап килә, шул исәптән юл эшләрен дә. Бу – Тәтеш, Азнакай, Бөгелмә районнары, шулай ук Казан һәм Чаллы шәһәрләре. Тагын да ишегалларында җиһазлар урнаштыру бара – 2020 ел программасы буенча) –– 27 майга булган мәгълүматларга караганда, җиһазларның 11,5%ы әлегә кадәр монтажланмаган әле.

Венера Камалова 2020 елдан бирле ремонтланмаган җиһазларның югары проценты (10%тан артык) калган районнарны һәм җиһазларны монтажлау буенча түбән динамика күзәтелүен билгеләп үтте. Бу – Чаллы (37%), Лениногорск (34%), Яңа Чишмә (31%), Алабуга, Әлмәт, Бөгелмә районнары.

2021 ел программасына килгәндә, бүгенге көндә 34 муниципаль берәмлектә 329 йортта эшләр бара. Якындагы ике атнада тагын 87 ишегалдында эшләр башланачак. Шулай итеп, эшләр 416 ишегалдында барачак. Бу 2021 елда төзекләндерү планлаштырылган ишегалларының гомуми саныннан 40% тәшкил итә.

Венера Камалова шулай ук ишегалларын төзекләндерү буенча башкарылган эшләрнең сыйфатын тикшерү турында да сөйләде. Аерым алганда, ул Әлмәттә (Совет ур., 155) эшләүче компанияне – намуссыз подрядчыларны мисал итеп китерде.

Гомумән алганда, 2021 елда 40 муниципаль районда 831 ишегалды тулысынча җәй көне җиһазлар белән тәэмин ителәчәк, ишегалларында монтажны июль урталарында башлау планлаштырыла.